قازاق-قىتاي شەكاراسىندا 27 ميلليون تەڭگەنىڭ دەكلاراتسيالانباعان تاۋارىن اكەلە جاتقاندار ۇستالدى
1 شىلدە 18:11

قازاق-قىتاي شەكاراسىندا 27 ميلليون تەڭگەنىڭ دەكلاراتسيالانباعان تاۋارىن اكەلە جاتقاندار ۇستالدى

نۇر-سۇلتان. قازاقپارات - قازاقستاندىق كاسىپكەرلەر قىتايدان قۇنى 27 ميلليون تەڭگە بولاتىن دەكلاراتسيالانباعان تاۋاردى كەدەندىك باج تولەمەي اكەلۋگە تىرىسقان، دەپ حابارلايدى قازاقپارات.

جالپى قۇنى 27 ميلليون تەڭگە بولاتىن اۆتوبولشەكتەر، اككۋمۋلياتورلار، دانەكەرلەۋ اپپاراتى مەن شارۋاشىلىق تاۋارلارىن قازاقستانعا ءبىر ج ش س كەدەندىك تولەمدەر مەن سالىقتى تولەمەي اكەلۋگە تىرىستى.

14- ماۋسىمدا «قالجات» كەدەن بەكەتىندە دەكلاراتسيالانباعان جۇكتى تاسىمالداۋ ارەكەتى توقتاتىلدى.

بۇل تۋرالى مەملەكەتتىك كىرىستەر كوميتەتى حابارلادى. بۇزۋشىلىق سىرتقى ەكونوميكالىق قىزمەتكە قاتىسۋشىمەن ە ا ە و كەدەندىك شەكاراسى ارقىلى وتكىزىلەتىن تاۋارلار مەن كولىك قۇرالدارىنا كەدەندىك باقىلاۋ جۇرگىزۋ كەزىندە انىقتالدى.

تىركەمەسى بار كاماز ماركالى اۆتوكولىك قۇرالىن ينسپەكتسيالىق تەكسەرۋ كەشەنىن قولدانۋ ارقىلى سكانەرلەۋ ناتيجەلەرى بويىنشا قۇجاتتاردا مالىمدەلگەن تاۋارلار مەن كولىك قۇرالىنداعى زاتتار اراسىندا ايىرماشىلىقتار انىقتالدى.

كەدەندىك تەكسەرىپ قاراۋ ناتيجەلەرى بويىنشا جالپى سالماعى 20 توننا دەكلاراتسيالانباعان تاۋار انىقتالدى، ولارعا 5,5 ميلليون تەڭگە سوماسىندا كەدەندىك تولەم مەن سالىق سالىندى. سونىمەن قاتار، يمپورتتاۋشى ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 551-بابىنىڭ 1-بولىگىنە سايكەس اكىمشىلىك جاۋاپكەرشىلىككە تارتىلدى.

دەكلاراتسيالانباعان تاۋارلار بويىنشا كەدەندىك تولەم مەن سالىق سوماسى بيۋجەتكە ءوندىرىپ الىندى.

ايتا كەتۋ كەرەك، مۇنداي فاكتىلەر وسىعان دەيىن دە بولعان. ماسەلەن، ينسپەكتسيالىق-تەكسەرۋ كەشەندەرىن پايدالانۋ كەزىندە اعىمداعى جىلى قۇنى 1 ميلليارد تەڭگە بولاتىن 4 مىڭ توننادان استام دەكلاراتسيالانباعان تاۋار انىقتالدى.

جاڭالىقتار