سوڭعى تاۋلىكتە كوروناۆيرۋس پەن پنيەۆمونيادان 27 ادام كوز جۇمدى

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.

وعان سايكەس، 26-قازان كۇنى قازاقستان اۋماعىندا 27 ادام - كوروناۆيرۋستان، تاعى 2 سىرقات - پنيەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى نۇر- سۇلتان قالاسى مەن اقمولا جانە سولتۇستىك قازاقستان وبلىستارىندا - 4 ناۋقاستان. شىمكەنت، الماتى قالالارى مەن پاۆلودار، باتىس قازاقستان وبلىستارىندا - 3 ادام، قىزىلوردا، اقتوبە جانە جامبىل وبلىستارىندا - ءبىر ادامنان كوز جۇمعان. تەك تۇركىستان، قاراعاندى، ماڭعىستاۋ، شىعىس قازاقستان، الماتى، اتىراۋ جانە قوستاناي وبلىستارىندا عانا كوروناۆيرۋستان ءولىم- ءجىتىم بولعان جوق.