قازگيدرومەت 27-شىلدەگە ارنالعان اۋا رايى بولجامىن جاريالادى
انتيسيكلون اسەرىنەن قازاقستان اۋماعىنىڭ باسىم بولىگىندە جاۋىن- شاشىنسىز اۋا رايى كۇتىلەدى. تەك ەلىمىزدىڭ سولتۇستىك- باتىس، وڭتۇستىك- باتىس جانە شىعىسىندا اتموسفەرالىق اعىنداردىڭ وتۋىمەن جاڭبىر جاۋادى، نايزاعاي، شىعىستا بۇرشاق جانە داۋىل تۇرۋى ىقتيمال.
رەسپۋبليكا بويىنشا كەي جەرلەردە جەلدىڭ كۇشەيۋى، وڭتۇستىك جانە وڭتۇستىك- باتىستا شاڭدى داۋىل، سولتۇستىكتە جانە ورتالىقتا تۇندە جانە تاڭەرتەڭ تۇمان كۇتىلەدى.
شىعىس قازاقستان وبلىسىنىڭ كەي جەرلەرىندە جەلدىڭ كۇشەيۋى 15-20, ەكپىنى 23 م/س، كۇندىز كەي جەرلەرىندە داۋىل تۇرىپ، بۇرشاق ءتۇسۋى مۇمكىن.
تۇركىستان، قىزىلوردا، ماڭعىستاۋ، جامبىل وبلىستارىنىڭ كەي جەرلەرىندە شاڭدى داۋىل، جەلدىڭ كۇشەيۋى 15-20 م/س، تۇركىستان وبلىسىندا ەكپىنى 23 م/س.
اقمولا، سولتۇستىك قازاقستان، قاراعاندى وبلىستارىنىڭ تۇندە جانە تاڭەرتەڭ كەي جەرلەرىندە تۇمان تۇسەدى، قاراعاندى وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتەدى. جامبىل، ماڭعىستاۋ، الماتى وبلىستارىنىڭ باسىم بولىگىندە، اقتوبە وبلىسىنىڭ كەي جەرلەرىندە اپتاپ ىستىق ساقتالادى.
ماڭعىستاۋ وبلىسىنىڭ كەي جەرلەرىندە دە وتە قاتتى ىستىق بولادى. قىزىلوردا، تۇركىستان، ماڭعىستاۋ، جامبىل وبلىستارىنىڭ باسىم بولىگىندە، الماتى، اتىراۋ، اقتوبە، قاراعاندى وبلىستارىنىڭ كەي جەرلەرىندە، قوستاناي وبلىسىنىڭ وڭتۇستىگىندە، اقمولا، شىعىس قازاقستان وبلىستارىنىڭ جەكەلەگەن اۋداندارىندا جوعارى ءورت قاۋپى بار.