+7 (701) 759 90 19
21 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

نۇر-سۇلتاندا 27- ماۋسىمنان كارانتين كۇشەيتىلمەك: نىساندار قالاي جۇمىس ىستەيدى

24 ماۋسىم 20:59
:ءبولىسۋ
نۇر-سۇلتاندا 27- ماۋسىمنان كارانتين كۇشەيتىلمەك: نىساندار قالاي جۇمىس ىستەيدى

نۇر-سۇلتان. قازاقپارات - نۇر-سۇلتان قالاسىنىڭ باس مەملەكەتتىك سانيتاريالىق دارىگەرى سارحات بەيسەنوۆا كوروناۆيرۋستىڭ تارالۋىنىڭ الدىن الۋ ءۇشىن جاڭا قاۋلى شىعاردى، دەپ حابارلايدى قازاقپارات.

نۇر-سۇلتان قالاسىنىڭ تۇرعىندارى مەن قوناقتارىنا «Ashyq» جوباسىنا قاتىساتىن وبەكتىلەردە ەسكە الۋ شارالارىن وتكىزۋدى قوسپاعاندا، وتباسىلىق، بۇقارالىق ءىس-شارالاردى، ونىڭ ىشىندە ۇيدە (بانكەتتەر، ۇيلەنۋ تويلارى، مەرەيتويلار، ەسكە الۋ جانە ت. ب.) وتكىزۋگە جانە قاتىسۋعا، ميتينگىلەر، شەرۋلەر، جيىندار جانە ت. ب. وتكىزۋگە تىيىم سالۋ تالاپتارى جالعاسادى.

سونىمەن بىرگە، نۇر-سۇلتان قالاسىنىڭ اكىمدىگى، كولىك جانە جول-كولىك ينفراقۇرىلىمىن دامىتۋ باسقارماسى، ينۆەستيتسيالار جانە كاسىپكەرلىكتى دامىتۋ باسقارماسى، قوعامدىق دەنساۋلىق ساقتاۋ باسقارماسى، ءبىلىم بەرۋ باسقارماسى، ءدىني ىستەر باسقارماسى، نۇر-سۇلتان قالاسىنىڭ دەنە شىنىقتىرۋ جانە سپورت باسقارماسى، «City Transportation Systems» ج ش س، زەرتحانالار مەن مەديتسينالىق ۇيىمدار، مەملەكەتتىك ورگاندار، ۇيىمدار، كاسىپورىندار، كاسىپكەرلىك سۋبەكتىلەرى تومەندەگى شارالاردى جاساۋى قاجەت:

- وندىرىستىك قاجەتتىلىككە بايلانىستى، مەنشىك نىسانىنا قاراماستان، مەملەكەتتىك ورگانداردىڭ (ۇيىمداردىڭ)، ۇلتتىق كومپانيالاردىڭ، كاسىپورىنداردىڭ اكىمشىلىك پەرسونالىنىڭ كەمىندە %80 ىن قاشىقتىقتان جۇمىس تۇرىنە كوشىرۋ.

قىزمەتكەرلەردى COVID-19 عا قارسى ۆاكسيناتسيالاۋ جۇرگىزىلگەن جاعدايدا قىزمەت قاشىقتىقتان جانە كۇندىزگى جۇمىس فورماتىندا جۇمىس ىستەيتىن قىزمەتكەرلەردىڭ پايىزدىق اراقاتىناسى بويىنشا تالاپتاردى ەسكەرۋسىز جۇزەگە اسىرىلادى.

بۇل رەتتە سوڭعى 3-6 اي ىشىندە COVID-19 عا قارسى ۆاكسينانىڭ تولىق كۋرسىن العان جانە COVID-19 بەن اۋىرىپ جازىلعان بارلىق قىزمەتكەرلەردىڭ كۇندىزگى رەجيمدە جۇمىس ىستەۋىنە جول بەرىلەدى؛

- قالالىق قوعامدىق كولىكتىڭ جۇمىسى (قاربالاس ساعاتتاردا اۆتوبۋس سانىن ۇلعايتۋ، سوڭعى ايالدامادا دەزينفەكسيالاۋ قۇرالدارىمەن سالوندى وڭدەۋ، بارلىق ەسىكتەردى اشۋ، جولاۋشىلارعا قولجەتىمدى ورىنداردا سانيتايزەر ورناتۋ، الەۋمەتتىك قاشىقتىقتى ساقتاۋ جانە جولاۋشىلار مەن جۇرگىزۋشىلەردىڭ بەتپەردە تاعۋى) جۇمىس كەستەسى جۇمىس جانە سەنبى كۇندەرى شتاتتىق كەستەگە سايكەس، جەكسەنبى كۇندەرى جۇمىس ىستەۋىنە تىيىم سالىنادى؛

- ح ق ك و جۇمىسىن كۇشەيتىلگەن سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ساقتاعان جاعدايدا، جۇمىس جانە سەنبى كۇندەرى ساعات 09:00 دەن 18:00 گە دەيىن جۇمىس كەستەسىن بەلگىلەي وتىرىپ، جەكسەنبى كۇندەرى جۇمىسىنا تىيىم سالۋمەن ۇيىمداستىرۋ؛

- ج و و جانە كوللەدج ستۋدەنتتەرىنىڭ ءبىتىرۋ ەمتيحاندارىن قاشىقتىق رەجيمىندە تاپسىرۋدى ۇيىمداستىرۋ. جوعارى وقۋ ورىندارى مەن كوللەدجدەردە ءبىتىرۋ كەشتەرىن ۇيىمداستىرۋعا جانە وتكىزۋگە جانە ديپلومداردى وفلاين رەجيمدە تاپسىرۋعا تىيىم سالۋ.

ءبىلىم بەرۋ مەكەمەلەرىندە ساباقتان تىس ۋاقىتتا وقۋشىلاردىڭ جەكە وقۋىن ۇيىمداستىرۋعا تىيىم سالۋ؛

- تۋريزم وبەكتىلەرى مەن حالىقتىڭ تۇرۋى قىزمەتتەرىن كورسەتۋ سالاسىنداعى ۇيىمدار (قوناق ۇيلەر، وتەلدەر، دەمالىس ۇيلەرى، تۋريستىك بازالار جانە ت. ب.) جۇمىسىن %80 دان ارتىق تولتىرماي، «Ashyq» جوباسىنا قاتىساتىن وبەكتىلەردى قوسپاعاندا، كۇشەيتىلگەن سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ساقتاي وتىرىپ ۇيىمداستىرۋ؛

- ساۋدا-ويىن-ساۋىق ورتالىقتارىنىڭ، ساۋدا ۇيلەرىنىڭ جۇمىسىن ءبىر كەلۋشىگە 4m 2 تولىمدىقتى جانە كۇشەيتىلگەن سانيتاريالىق-ەپيدەمياعا قارسى، سانيتاريالىق- پروفيلاكتيكالىق ءىس-شارالاردى ساقتاپ، جۇمىس كۇندەرى ساعات 10.00-دەن 17.00 گە دەيىن، سەنبى جانە جەكسەنبى كۇندەرى جۇمىستارىنا تىيىم سالۋ جولىمەن ۇيىمداستىرۋ (ازىق-ۇلىك ونىمدەرى مەن ءبىرىنشى كەزەكتە قاجەتتى زاتتاردى ساتاتىن ءدارىحانالاردى، شاعىن ماركەتتەردى، سۋپەرماركەتتەر مەن گيپەرماركەتتەردى، COVID-19 عا قارسى جاپپاي ۆاكسينالاۋعا ارنالعان پۋنكتتەردى جانە «Ashyq» جوباسىنا قاتىساتىن كاسىپكەرلىك وبەكتىلەرىن قوسپاعاندا).

بۇل رەتتە، «Ashyq» جوباسىنا قاتىساتىن وبەكتىلەردى قوسپاعاندا، كورسەتىلگەن اۋماقتارىندا ورنالاسقان اتتراكتسيونداردىڭ، ويىن الاڭدارىنىڭ، مۇزدى جانە روليكتى سىرعاناقتاردىڭ، ويىن ورتالىقتارىنىڭ جۇمىسىنا قاتاڭ تىيىم سالىنادى.

- «Ashyq» جوباسىنا قاتىساتىن فۋدكورتتاردى قوسپاعاندا، فۋدكورتتاردىڭ جۇمىسىنا تاماقتى تەك شتاتتىق رەجيمدە جەتكىزۋگە جانە شىعارۋعا رۇقسات ەتىلەدى.

ءتۇرلى اكسيالار، جارمەڭكەلەر، شوۋرۋمدار، ۇتىس ويىندارىن (ونلاين فورماتتى قوسپاعاندا) وتكىزۋگە تىيىم سالىنادى؛

- مەيرامحانالار، ءدامحانالار، كوفەحانالار تيپىندەگى (عيمارات ىشىندەگى) قوعامدىق تاماقتانۋ وبەكتىلەرى جۇمىسىن ورنالاسقان جەرىنە قاراماستان، كۇشەيتىلگەن سانيتاريالىق-ەپيدەمياعا قارسى شارالاردى جانە ۇستەلدەر اراسىندا كەمىندە 2 مەتر الەۋمەتتىك قاشىقتىقتى ساقتاي وتىرىپ، تولىمدىعى %50 عا دەيىن جانە 30 ورىننان اسپايتىن شارتتاردى ساقتاعان جاعدايدا جۇمىس كۇندەرى ساعات 07:00 دەن 20:00 گە دەيىن، سەنبى جانە جەكسەنبى كۇندەرى جۇمىستارىنا تىيىم سالا وتىرىپ ۇيىمداستىرۋ؛

«Ashyq» جوباسىنا قاتىساتىن وبەكتىلەردى قوسپاعاندا، اشىق اۋاداعى مەيرامحانالارعا وتىراتىن ورىندارىنىڭ سانى 30 دان اسپايتىن جۇمىس جانە دەمالىس كۇندەرى ساعات 07:00 دەن 22:00 گە دەيىن جۇمىس ىستەۋىنە رۇقسات بەرىلەدى.

اسحانالار ءتيپى بويىنشا قوعامدىق تاماقتانۋ وبەكتىلەرى جۇمىسىن ورنالاسقان جەرىنە قاراماستان، كۇشەيتىلگەن سانيتاريالىق-ەپيدەمياعا قارسى شارالاردى جانە ۇستەلدەر اراسىندا كەمىندە 2 مەتر الەۋمەتتىك قاشىقتىقتى ساقتاي وتىرىپ، جۇمىس كۇندەرى جانە دەمالىس كۇندەرى ساعات 07:00-دەن 24:00 گە دەيىن 30 ورىننان اسپايتىن ورىنداردى ساقتاي وتىرىپ ۇيىمداستىرىلادى.

ايتا كەتەيىك، وسى قاۋلى 2021-جىلعى 27 - ماۋسىمدا ساعات 00:00 دەن باستاپ كۇشىنە ەنەدى. ەسكە سالساق، ەلوردادا كوروناۆيرۋستىڭ ءۇندى شتامى انىقتالدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات