27 گە تولعان ديماش قۇدايبەرگەن وتباسىلىق ەرەكشە ۆيدەولارمەن ءبولىستى

None
None
نۇر- سۇلتان. قازاقپارات - بۇگىن، 24-مامىردا ەسىمى الەمگە تانىلعان ءانشى، قازاقستاننىڭ ەڭبەك سىڭىرگەن قايراتكەرى ديماش قۇدايبەرگەن 27 جاسقا تولدى، دەپ حابارلايدى قازاقپارات.

تۋعان كۇن مەرەكەسىنە وراي ديماشتىڭ YouTube-تەگى ارناسىندا ونىڭ ءسابي كەزىندەگى سيرەك كەزدەسەتىن ۆيدەولار جاريالاندى.

دىنمۇحاممەد قانات ۇلى قۇدايبەرگەنوۆ 1994 -جىلى 24-مامىردا اقتوبەدە دۇنيەگە كەلدى. 2019 -جىلدىڭ جەلتوقسانىندا وعان «قازاقستاننىڭ ەڭبەك سىڭىرگەن قايراتكەرى» اتاعى بەرىلدى. اتا- اناسى - ءانشى سۆەتا جانە قانات ايتبايەۆتار. كىشكەنتاي ديماش اتا- اجەسىنىڭ تاربيەسىندە بولعان. بالا كەزدەن ساحنادا ءان ايتىپ، فورتەپيانودا ويناپ، ءارتۇرلى بايقاۋعا قاتىسقان.

جاس ءانشى التى وكتاۆانى قامتي الاتىن ۆوكالدىق كەڭ دياپازونىمەن ەرەكشەلەنەدى. 2015 -جىلى ول ۆيتەبسكتە وتكەن «سلاۆيان بازارى» حالىقارالىق بايقاۋىندا باس جۇلدەنى يەلەندى. ءدال وسى جىلى «جىل ادامى» جالپىۇلتتىق باعدارلاماسى اياسىندا «جىل ءانشىسى» اتاندى.

2016 -جىلى «ۇمىتىلماس كۇن» تۋرنەسىن وتكىزدى. العاشقى تۋرنەسىن قازاقستان تاۋەلسىزدىگىنىڭ 25 جىلدىعىنا ارناپ، ەلىمىزدىڭ 25 ايماعىندا 25 كونسەرت بەردى.

2017 -جىلى ديماش «Hunan TV» قىتاي تەلەارناسىندا وتكەن «Iam Singer» ۆوكالدىق بايقاۋىنىڭ بەسىنشى كەزەڭىنە قاتىسىپ، ەكىنشى ورىن الدى. بۇل كونكۋرس وعان الەمدىك دەڭگەيدەگى تانىمالدىلىق الىپ كەلدى.

نۇر- سۇلتان قالاسىندا وتكەن EXPO -2017 حالىقارالىق كورمەسى اياسىندا العاش رەت اۋقىمى كەڭ جەكە كونتسەرتىن وتكىزدى. «Bastau» دەپ اتالاتىن كونتسەرتىنە قازاقستاندىق جانە شەتەلدىك كورەرمەن جينالدى.

2019 -جىلدىڭ ماۋسىمىندا د. قۇدايبەرگەن ەلوردادا «ارناۋ» اتتى جەكە كونسەرتىن وتكىزدى. وعان 64 مەملەكەتتەن جانكۇيەرلەر كەلدى. وسى جىلدىڭ جەلتوقسانىندا قازاقستاننىڭ ا ق ش- تاعى مادەنيەت كۇندەرى اياسىندا جانە ق ر مادەنيەت جانە سپورت مينيسترلىگىنىڭ قولداۋىمەن نيۋ- يوركتە ديماشتىڭ كونسەرتى انشلاگپەن ءوتتى.

ءانشى 2020 -جىلدىڭ 16-اقپانى مەن 4-ءساۋىرى ارالىعىندا ەۋروپا ەلدەرى بويىنشا تۋرنە وتكىزۋدى جوسپارلاعان بولاتىن. الايدا كوروناۆيرۋس پاندەمياسىنا بايلانىستى ونىڭ جەكەلەگەنى كەيىنگە قالدىرىلدى.


سوڭعى جاڭالىقتار