قازاقستان 27 ەلمەن قىلمىستىق ىستەرگە قاتىستى قۇجاتتى بەكىتتى

None
None
نۇر-سۇلتان. قازاقپارات - ءماجىلىستىڭ جالپى وتىرىسىندا «قازاقستان رەسپۋبليكاسى مەن سولتۇستىك ماكەدونيا رەسپۋبليكاسىنىڭ اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.

«شارت قىلمىستىق سالاداعى ءوزارا كومەك بەرۋدى كوزدەيدى. نەگىزىنەن، كۇدىكتى مەن ايىپتىنىڭ كىناسىن دالەلدەۋگە باعىتتالعان ءتيىستى ارەكەتتەردى قامتيدى. وسى رەتتە ەكى ەلدىڭ قۇزىرلى ورگاندارىنا تەرگەۋ امالدارىن جۇرگىزۋگە قۇقىقتىق كومەك بەرەدى»، - دەدى ق ر باس پروكۋرورىنىڭ ورىنباسارى مارات احمەتجانوۆ.

وسى ورايدا قاماۋدا وتىرعان ادامداردى ۋاقىتشا بەرۋ، ءتىنتۋ، زاتتارىن تاركىلەۋ، ساراپتاما جۇرگىزۋ، جاۋاپ الۋ، اقپارات جانە باسقا تەرگەۋ امالدارىن قامتيدى. بۇل كەلىسىمدە كورسەتىلگەن بارلىق تەرگەۋ ارەكەتتەرى ءبىزدىڭ زاڭنامامىزدا بار. شارت قۇقىقتىق كومەك كورسەتۋدەن باس تارتۋ ءۇشىن نەگىزدەردى دە كوزدەيدى. قۇجاتتى راتيفيكاتسيالاۋ ەكى ەلدىڭ قىلمىسقا قارسى كۇرەستەگى ىنتىماقتاستىعىنىڭ تيىمدىلىگىن ارتتىرۋعا مۇمكىندىك بەرەدى. شارت مىندەتتى تۇردە راتيفيكاتسيالاۋعا جاتادى، ويتكەنى ول ادامنىڭ جانە ازاماتتىڭ قۇقىقتارى مەن بوستاندىقتارىن تىكەلەي قوزعايدى.

«جالپى، ەلىمىز وسىنداي شارتتى 27 مەملەكەتپەن بەكىتتى. ونىڭ اراسىندا قىتاي، ۇلى بريتانيا، ا ق ش سەكىلدى ەلدەرمەن جاسالدى»، - دەدى م. احمەتجانوۆ.

بۇدان بۇرىن حابارلانعانداي، ءماجىلىستىڭ جالپى وتىرىسىندا «قازاقستان رەسپۋبليكاسى مەن سولتۇستىك ماكەدونيا رەسپۋبليكاسى اراسىنداعى ادامداردى ۇستاپ بەرۋ تۋرالى شارتتى راتيفيكاتسيالاۋ تۋرالى» زاڭ جوباسى ماقۇلداندى.

اتاپ ايتقاندا، قازاقستان مەن سولتۇستىك ماكەدونيا اراسىنداعى قىلمىستىق سالا ماسەلەلەرى بويىنشا شارتتاردىڭ تولىق پاكەتى جاسالدى. مۇنىمەن قوسا، «قازاقستان رەسپۋبليكاسى مەن سولتۇستىك ماكەدونيا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسى ماقۇلداندى.

اۆتور: رۋسلان عابباسوۆ

سوڭعى جاڭالىقتار