27-قازاندا قازاقستاندا وتەتىن ماڭىزدى شارالار اڭداتپاسى
نۇر- سۇلتان
9.00-دە ۇكىمەت ۇيىندە ۇكىمەت وتىرىسى وتەدى. كۇن تارتىبىندە ەلدىمەكەندەردى سۋمەن جابدىقتاۋ جانە سۋ بۇرۋ ماسەلەلەرى، جۇمىسپەن قامتۋ جول كارتاسىن ىسكە اسىرۋ بارىسى جانە ۇكىمەتتىڭ زاڭ جوبالاۋ جۇمىستارىنىڭ 2021 -جىلعا ارنالعان جوسپارى قارالادى. ۇكىمەت وتىرىسى PrimeMinister.kz سايتىندا جانە الەۋمەتتىك جەلىلەردەگى رەسمي اككاۋنتتاردا ونلاين كورسەتىلەدى.
11.00-دە Rixos President Astana قوناقۇيىندە قازاقستان اوك قاۋىمداستىقتارىنىڭ اليانسى جانە «اۋىل» حالىقتىق- دەموكراتيالىق پاتريوتتىق پارتياسى «ا و ك- تى دامىتۋدىڭ جاڭا باعدارلاماسىنىڭ تۇجىرىمداماسى» تاقىرىبىندا دوڭگەلەك ۇستەل وتكىزەدى.
12.30-دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى مارات سۇلتانعازيەۆ سالىقتىق جانە كەدەندىك اكىمشىلەندىرۋ تۋرالى باسپا ءسوز كونفەرەنتسياسىن وتكىزەدى.
16.00-دە «وتانداستار قورى» ك ە ا ق جانىنداعى قوعامدىق كوميسسيانىڭ كەزەكتى وتىرىسى وتەدى.
الماتى
12.00-دە ق ر ۇلتتىق كىتاپحاناسىندا «ZHERSU» ينۆەستيتسيالىق- ونەركاسىپتىك كورپوراتسياسىنىڭ قولداۋىمەن وتەتىن «التىن قالام 2020» ادەبي بايقاۋىنىڭ بيىلعى جەڭىمپازدارىن ماراپاتتاۋ ءراسىمى وتەدى.