كارانتين: اقمولا وبلىسىندا 27 مونيتورينگتىك توپ تەكسەرۋ جۇرگىزۋدە

كوكشەتاۋ. قازاقپارات - اقمولا وبلىسىندا سانيتارلىق- كارانتيندىك تالاپتاردىڭ ساقتالۋىن قاداعالاۋ بويىنشا مونيتورينگ جالعاسۋدا، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنشە، وڭىردە كارانتيندىك تالاپتاردىڭ ساقتالۋىن جەرگىلىكتى اتقارۋشى ورگاندار، قۇقىق قورعاۋ ورگاندارى، «اتامەكەن» وڭىرلىك كاسىپكەرلەر پالاتاسىنىڭ وكىلدەرى، ۆولونتەر جانە قوعام بەلسەندىلەرىنەن قۇرالعان 27 مونيتورينگتىك توپ تەكسەرۋدە. اقمولا وبلىسىنىڭ باس سانيتارلىق دارىگەرى ايناگۇل مۋسينانىڭ ايتۋىنشا، وڭىردە كوپتەگەن نىسانداردا سانيتارلىق تالاپتار ساقتالمايتىنى بايقالىپ وتىر. بۇل ادامداردىڭ جاپپاي ىندەت جۇقتىرۋىنا سەبەپ بولۋى مۇمكىن.

«شىلدەنىڭ 9 ى مەن قىركۇيەكتىڭ 23 ءى ارالىعىندا مونيتورينگتىك توپ 579 ايىپپۇل سالدى، ونىڭ 454 پوليتسيا دەپارتامەنتىنىڭ ماتريالدارى بويىنشا. قارالعان 579 ماتەريال بويىنشا جالپى سومماسى 39 ميلليوننان استام تەڭگە ايىپپۇل سالىندى»، - دەپ اتاپ ءوتتى دەپارتامەنت باسشىسى.

كوروناۆيرۋس جۇقتىرعانداردىڭ سانى ازايعانىمەن ۆەدومستۆو ماماندارى كوروناۆيرۋس ينفەكتسياسىنىڭ تارالۋىن الدىن ءۇشىن ساقتىق شارالارىن قاتاڭ ساقتاۋعا شاقىرادى.