قازاقپارات كۇنتىزبەسى: 27- ناۋرىز
اتاۋلى كۇندەر
حالىقارالىق تەاتر كۇنى
1962-جىلدان باستاپ جىل سايىن اتاپ وتىلەتىن بۇل اتاۋلى كۇن 1961-جىلى يۋنەسكو جانىنداعى حالىقارالىق تەاتر ينستيتۋتىنىڭ ۆەنادا وتكەن 9-كونگرەسىندە بەكىتىلگەن بولاتىن.
ەستەقالاروقيعالار
1930-جىلى جەتىسۋدىڭ اقسۋ ايماعى قازاقتارى كەڭەس وكىمەتىنىڭ ۇجىمداستىرۋ ساياساتىنا كارسى كوتەرىلىس جاسادى. ولاردىڭ قاتارى رەسمي دەرەكتەردە 1 مىڭ ادامعا دەيىن جەتكەن. كوتەرىلىستى ەگەۋبەك جانباي ۇلى، قالدىباي قىلي ۇلى جانە عالي ساتىرباي ۇلى باسقاردى.
27- ناۋرىز كۇنى كوتەرىلىسشىلەر اقسۋ ەلدى مەكەنىن باسىپ الدى. قارۋ-جاراعى جەتكىلىكسىز كوتەرىلىسشىلەر وكىمەت اسكەرىمەن قاقتىعىستا ويسىراي جەڭىلىپ، بالقاش قالاسى ماڭىنداعى جامان جامال، كۇشىكجان سەكىلدى بۇيرات-قۇم شوعىرلارىن، جىڭعىلدى مەكەندەردى تاسالاپ ءجۇردى.
كوتەرىلىسشىلەردىڭ ىزدەرىنە تۇسكەن اتتى اسكەرلەر ولاردى قۇم ىشىندە قىرعىنعا ۇشىراتتى.
1965-جىلى وسكەمەن تيتانماگني كومبيناتى پايدالانىلۋعا بەرىلدى. كومبيناتتا كەۋەكتى تيتان شىعارىلادى.
1992-جىلى قازاقستان رەسپۋبليكاسى مەن سيريا اراب رەسپۋبليكاسى اراسىنداعى ديپلوماتيالىق قارىم-قاتىناستى ورناتۋ تۋرالى حاتتاماعا قول قويىلدى.
2002-جىلى ق ر ءى ءى م- دە كينولوگيا ورتالىعى قۇرىلدى.
2006-جىلى استانادا بەلگيا ەلشىلىگى اشىلدى. بۇل كۇنى ەلباسى نۇرسۇلتان نازاربايەۆ بەلگيا كورولدىگىنىڭ سىرتقى ىستەر ءمينيسترى، ە ق ى ۇ ءتوراعاسى كارل دە گيۋحتتى اقوردادا قابىلدادى.
بەلگيا كورولدىگى قازاقستان رەسپۋبليكاسىنىڭ مەملەكەتتىك ەگەمەندىگىن 1991-جىلعى جەلتوقساننىڭ 31 ىندە مويىندادى.
1992-جىلعى تامىزدىڭ 25-ىندە ديپلوماتيالىق قارىم-قاتىناس ورناتىلدى. 2007-جىلى عارىش كەڭىستىگىن پايدالانۋ سالاسىنداعى قىزمەتتى جۇزەگە اسىراتىن قازاقستان رەسپۋبليكاسىنىڭ ۇلتتىق عارىش اگەنتتىگى قۇرىلدى.
2010-جىلى الماتىدا قازاقتىڭ تانىمال اكتريساسى، رەسپۋبليكانىڭ تەاتر ونەرىنە ەلەۋلى ۇلەسىن قوسقان ءسابيرا مايقانوۆاعا ارنالعان مەموريالدىق تاقتا اشىلدى. ءسابيرا مايقانوۆا (1914-1995) قىزىلوردا وبلىسىنىڭ سىرداريا اۋدانىندا دۇنيەگە كەلگەن. 1958-جىلى قازاقستاننىڭ، 1970-جىلى ك س ر و- نىڭ حالىق ءارتيسى.
1932-جىلى قازىرگى قازاق مەملەكەتتىك اكادەميالىق دراما تەاترىنىڭ قۇرامىنا قابىلداندى. شىعارماشىلىق جولى وسى تەاتردىڭ تاريحىمەن، ءوسۋ جولىمەن تىعىز بايلانىستى.
2013-جىلى قازاقستان ورتالىق ازيادا ءبىرىنشى بولىپ تۇراقتى نەگىزدە جۇرەك اۋىستىرۋ بويىنشا وپەراتسيالارىن جاساۋدى باستادى.
2014-جىلى قازاقستان ت م د ەلدەرىنەن ءبىرىنشى بولىپ ەۋروپالىق فۋتبول قاۋىمداستىعى وداعىنىڭ (ۋ ە ف ا) كەزەكتى كونگرەسىن قابىلدادى. ۋ ە ف ا- نىڭ 38-كونگرەسى استاناداعى تاۋەلسىزدىك سارايىندا ءوتتى.
2015-جىلى نيۋ-يورك قالاسىندا ب ۇ ۇ شتاب-پاتەرىندە ادامزات تاريحىنىڭ ەڭ قايعىلى بەتتەرىنىڭ ءبىرى - قۇلدىق قۇرباندارىنا ارنالعان «قايتۋ كەمەسى» («Ark of Return») تۇراقتى ەسكەرتكىشى اشىلدى.
اشىلۋ ءراسىمى 25- ناۋرىزدا قۇلدىق پەن ترانساتلانتتىق ادام ساۋداسىنىڭ قۇرباندارىن ەسكە الۋ حالىقارالىق كۇنىنە وراي ۇيىمداستىرىلدى.
قازاقستان افريكا، لاتىن امەريكاسى جانە كاريب ەلدەرىمەن نيەتتەس ەكەنىن ءبىلدىرىپ، ەسكەرتكىشتىڭ قۇرىلۋىن قارجىلاندىرۋعا ءوز ۇلەسىن قوستى.
2017-جىلى قىتايدىڭ شاڭحاي قالاسىندا «China Top music Awards» مۋزىكالىق سىيلىعىنىڭ كەزەكتى 24-شاراسى ءوتىپ، قازاقستاندىق ءانشى ديماش قۇدايبەرگەن «ازيانىڭ ەڭ تانىمال ءانشىسى» (Best Asia popularsinger) نوميناتسياسى بويىنشا ماراپاتتالدى.
2017-جىلى «قازاقستان» ورتالىق كينوكونتسەرت زالىندا «ساحناگەر-2017» ۇلتتىق تەاتر سىيلىعىن تابىستاۋ راسىمىندە ءۇش ۇلتتىق تەاترعا اكادەميا اتاعى بەرىلدى.
رەسپۋبليكالىق ۇيعىر، رەسپۋبليكالىق نەمىس جانە رەسپۋبليكالىق كارىس تەاترلارىنىڭ جەتەكشىلەرىنە ارنايى سەرتيفيكاتتار تابىستالدى.
2018-جىلى وتتاۆادا قازاقستان رەسپۋبليكاسى مەن باربادوس اراسىنداعى ديپلوماتيالىق قارىم- قاتىناس ورناتۋ تۋرالى ديپلوماتيالىق نوتالار الماسۋ ءراسىمى ءوتتى.
2019-جىلى قازاقستاننىڭ كاناداداعى ەلشىلىگى تورونتو قالاسىنداعى قازاقستاندىقتار قاۋىمدىستىعىمەن بىرلەسىپ العاش رەت ناۋرىز مەيرامىن رەسمي تۇردە اتاپ ءوتتى. مەيرامعا بايلانىستى 400 دەن استام وتانداستارىمىز، جەرگىلىكتى ىسكەر جانە قوعامدىق توپ وكىلدەرى كانادانىڭ ەڭ ءىرى مەگاپوليسىندە باس قوستى. ءىس-شارا بارىسىندا قازاق حالقىنىڭ ۇلتتىق تاعامدارى ۇسىنىلىپ، بالالارعا ارنالعان ويىندار مەن تاپسىرمالار، سونداي-اق كانادادا تۇرىپ جاتقان دارىندى قازاقستاندىقتاردىڭ قاتىسۋىمەن ارنايى مەرەكەلىك كونسەرت ۇيىمداستىرىلدى.