+7 (701) 759 90 19
6 °С : نۇر-سۇلتان
13 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قازاقپارات كۇنتىزبەسى: 27- اقپان

27 اقپان 08:13
:ءبولىسۋ
قازاقپارات كۇنتىزبەسى: 27- اقپان

نۇر-سۇلتان. قازاقپارات - قازاقپارات وقىرماندارىنا 2020-جىلعى 27- اقپانعا ارنالعان كۇنتىزبەسىن ۇسىنادى.

اتاۋلى كۇندەر

ۇكىمەتتىك ەمەس ۇيىمداردىڭ بۇكىل الەمدىك كۇنى

بريتانيالىق الەۋمەتتىك كاسىپكەر مارتسيس سكادمانيستىڭ باستاماسىمەن، ۇكىمەتتىك ەمەس ۇيىمداردىڭ ماڭىزدىلىعىن كورسەتۋ جانە كوممەرتسيالىق ەمەس، مەملەكەتتىك جانە كوممەرتسيالىق سەكتورلار اراسىنداعى ىنتىماقتاستىقتى دامىتۋ ماقساتىندا بەلگىلەنگەن.

حالىقارالىق اق ايۋ كۇنى

اتالمىش تابيعات مەرەكەسى تۋرالى باستامانى اق ايۋلاردى قورعاۋمەن اينالىساتىن حالىقارالىق Polar Bears International (PBI) ۇيىمى كوتەرگەن بولاتىن. بۇل مەرەكەنىڭ ماقساتى - اق ايۋلار تۋرالى اقپاراتتى بۇقاراعا كەڭىنەن ناسيحاتتاپ، ولاردى قورعاۋعا قوعامنىڭ نازارىن اۋدارۋ. اسىرەسە، بۇل مەرەكە اق ايۋلار مەكەندەيتىن رەسەي، نورۆەگيا، گرەنلانديا، ا ق ش جانە كانادا ەلدەرى ءۇشىن ماڭىزدى.

ەستە قالار وقيعالار

2001-جىلى داۋلەتكەرەي اتىنداعى باتىس قازاقستان وبلىستىق ۇلت اسپاپتار وركەسترى ونەر ۇجىمىنىڭ تۇساۋكەسەر ءراسىمى ءوتتى. وركەستر ورال قالاسىنداعى باتىس قازاقستان وبلىستىق فيلارمونياسى جانىنان قۇرىلدى. قۇرامىندا 50 دەن استام ارناۋلى جوعارى كاسىبي ءبىلىمدى ماماندار بار. وركەستردىڭ رەپەرتۋارىندا حالىق كومپوزيتورلارى قۇرمانعازى مەن دينانىڭ، تۇركەشتىڭ، داۋلەتكەرەيدىڭ كۇيلەرى، ن. تىلەنديەۆتىڭ، ك. كۇمىسبەكوۆتىڭ، ا. جايىموۆتىڭ، ە. برۋسيلوۆسكيدىڭ، س. مۇحامەدجانوۆتىڭ، ت. ب. شىعارمالارى، ورىس جانە ەۋروپا كومپوزيتورلارىنىڭ تۋىندىلارى بار.

2004-جىلى قازاقستان رەسپۋبليكاسى ۇكىمەتىنىڭ قاۋلىسىمەن «مەملەكەتتىك الەۋمەتتىك ساقتاندىرۋ قورى» اكسيونەرلىك قوعامى قۇرىلدى.

2007-جىلى الماتىدا ليتۆانىڭ قۇرمەتتى كونسۋلدىعى اشىلدى. ەكى مەملەكەت اراسىندا ديپلوماتيالىق قارىم-قاتىناس 1992-جىلدىڭ 15- ماۋسىمىندا ورناتىلدى.

2012-جىلى امەريكالىق يۆ سۋسسمان كينەماتوگرافيادا جاڭا جانردى ويلاپ تاۋىپ، ءوزىنىڭ يدەياسىن قازاقستان تۋرالى فيلم ءتۇسىرۋ ارقىلى ىسكە اسىردى. بۇل كارتينانى ەكى مارتە كورۋ مۇمكىن ەمەس. سەبەبى، فيلمدى كورەرمەندەر ءۇشىن قويعان سايىن كومپيۋتەر كادرلاردى اۋقىمدى بازا ىشىنەن كەزدەيسوق رەتپەن قۇراستىرىپ، بىرەگەي جاڭا لەنتانى جينايدى. كارتينا قازاقستاندا جازىلعان 3 مىڭ كليپتەن، 80 اۋديو جازبادان جانە 150 مۋزىكالىق ۇزىندىدەن تۇرادى. «Whiteonwhite: algorithmicnoir» لەنتاسىن قازاقستان جايىندا جاسالعان ەڭ ەرەكشە كارتينالار ساناتىنا جاتقىزۋعا بولادى.

2013-جىلى قازاقستان باسقارۋ كوميتەتىنىڭ وتىرىسىنا ەۋرازيالىق باسەكەلەستىككە قابىلەتتىلىك باعدارلاماسىنىڭ ورتالىق-ازيالىق باستاماسىنىڭ تەڭ ءتوراعاسى دارەجەسىندە تۇڭعىش رەت قاتىستى.

ايماقتاعى جەتى ەل (قازاقستان، قىرعىزستان، وزبەكستان، تاجىكستان، تۇرىكمەنستان، اۋعانستان جانە موڭعوليا) كىرەتىن باعدارلاما ايماقتىڭ ەكونوميكالىق دامۋىنا سەپتەسۋگە، ونىڭ باسەكەگە قابىلەتتىلىگىن ارتتىرۋعا باعىتتالعان.

2013-جىلى استانادا كوللەكتسيونەرلەرگە ارنالعان «اباي» ەكسكليۋزيۆتى كىتابىنىڭ تانىستىرىلىمى ءوتتى. ول نەبارى 20 دانامەن شىعارىلعان. ءار بەتى كۇمىستەن ۇلتتىق ويۋلارمەن ورنەكتەلىپ، تازا تەرىدەن جاسالعان.

2014-جىلى قازاقستان عالىمدارى Elsevier مالىمەتتەر قورىنا قول جەتكىزدى. بۇل تۋرالى كەلىسىمگە ۇلتتىق عىلىمي-تەحنيكالىق اقپارات ورتالىعى مەن Elsevier كومپانياسى الماتىدا قول قويدى. ەندى ەلىمىزدىڭ عالىمدارى حالىقارالىق عىلىمي جۋرنالدارعا ءوز ەڭبەكتەرىن جاريالاپ، مالىمەتتەر بازاسىنداعى اقپاراتقا قول جەتكىزۋ مۇمكىندىگىنە يە بولدى. Elsevier جىلىنا شامامەن 250 مىڭ ماقالادان تۇراتىن 2,5 مىڭنان استام عىلىمي جۋرنال شىعارادى. باسىلىم مۇراعاتىندا شامامەن جەتى ميلليون جاريالانىم بار.

2018-جىلى استانادا «ۇشقىن» ءبىرىنشى ستۋدەنتتەر فيلمدەرىنىڭ فەستيۆالى اياقتالدى. وعان قازاق ۇلتتىق ونەر ۋنيۆەرسيتەتى ستۋدەنتتەرىنىڭ 50 قىسقامەتراجدى فيلمى قاتىستى.

2018-جىلى قازاقستاندا مەملەكەتتىك ورگاندار جۇمىسىن قاداعالايتىن قوعامدىق باقىلاۋ كارتاسى جاسالدى.

2019-جىلى FNL Network حالىقارالىق تەلەارناسىنىڭ ديرەكتورى روككو لەو گاليوتي لوس-اندجەلەستەگى گولليۆۋدتا American Testing Award ماراپاتتاۋ سالتاناتىندا تارازدىڭ كورىكتى جەرلەرى تۋرالى فيلمى ءۇشىن «قايدا ساياحات جاساۋ كەرەك» نوميناتسياسىنىڭ باس جۇلدەسىن الدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات