+7 (701) 759 90 19
-4 °С : نۇر-سۇلتان
5 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

قازاقپارات كۇنتىزبەسى: 27- قاڭتار

27 قاڭتار 12:05
:ءبولىسۋ
قازاقپارات كۇنتىزبەسى: 27- قاڭتار

نۇر-سۇلتان. قازاقپارات - قازاقپارات وقىرماندارىنا 2020-جىلعى 27- قاڭتارعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق حولوكوست قۇرباندارىن ەسكە الۋ كۇنى

2005-جىلدىڭ 1- قاراشاسىندا بىرىككەن ۇلتتار ۇيىمى باس اسسامبلەياسى بەكىتكەن. 1945-جىلى قاڭتاردىڭ 27-سىندە وسۆەنتسيم كونتسلاگەرى تۇتقىندارى ازات ەتىلگەن بۇل كۇندى ءبىرقاتار ەلدەر اتاپ وتەدى. وسۆەنتسيم كونتسلاگەرى 1940-جىلى ساياسي تۇتقىندار ءۇشىن سالىندى. تەمىر جول تورابىنا جاقىن ورنالاسقان لاگەردە 40 قا جۋىق ءتۇرلى نىسان - باراكتار، گاز كامەرالارى، كرەماتورييلەر مەن ادامدارعا تاجىريبە جۇرگىزىلەتىن زەرتحانالار بولدى. كۇن سايىن مۇندا مىڭداعان ادام تيەلگەن بىرنەشە ەشەلون كەلەتىن. ولاردى جويۋ ءۇشىن ناتسيستەر تسيكلون- ب ۋلى گازىن ويلاپ تاپتى. وسۆەنتسيم «اجال فابريكاسى» دەگەن اتقا كەزدەيسوق يە بولعان جوق. لاگەر جۇمىس ىستەگەن 5 -جىلدىڭ ىشىندە مۇندا 28 ۇلتتىڭ 1,5 ميلليون ادامى قازا بولدى. 1979-جىلى يۋنەسكو كونتسلاگەردى حالىقارالىق ماڭىزداعى ەسكەرتكىشتەر تىزىمىنە ەنگىزدى.

كوميۋنيتي- مەنەدجەرلەر كۇنى

جىل سايىن الەمنىڭ ءتۇرلى ەلدەرىندە قاڭتاردىڭ ءتورتىنشى دۇيسەنبىسىندە تويلاناتىن كاسىبي مەرەكە. كوميۋنيتي- مەنەدجەرلەر — جاسامپازدىق، دامۋ، باسقارۋ جانە قوعامداستىق وكىلدەرىمەن قارىم-قاتىناس جاساۋعا جاۋاپتى قىزمەتكەرلەر. ولار، سونداي-اق UGC- جۇيەلەردى جاساپ، ولاردى قولداۋمەن اينالىسادى. كوميۋنيتي- مەنەدجەردىڭ جۇمىسى PR، HR، الەۋمەتتىك پسيحولوگيا جانە باسقا دا گۋمانيتارلىق سالالاردىڭ توعىسىندا جاتىر.

ەستە قالار وقيعالار

1990-جىلى قازاق ك س ر مەملەكەتتىك قۇرىلىس باسقارماسىنىڭ بۇيرىعىمەن قازاق مەملەكەتتىك جوبالىق جانە عىلىمي-زەرتتەۋ ينستيتۋتىنىڭ عىلىمي ءبولىمى بازاسىندا قازاق سەيسميكالىق ءتوزىمدى قۇرىلىس جانە ساۋلەت عىلىمي-زەرتتەۋ جانە جوبالاۋ-ەكسپەريمەنتالدىق ينستيتۋتى («قاز س ق ع ز ي») قۇرىلدى. قاز س ق ع ز ي- ءدىڭ العاشقى ديرەكتورى بولىپ ينجەنەر-قۇرىلىسشى، تەحنيكا عىلىمدارىنىڭ دوكتورى، پروفەسسور، اكادەميك تولەۋباي ءجۇنىسوۆ تاعايىندالدى.

1992-جىلى وسكەمەندەگى مىس- قورعاسىن كومبيناتىندا سالماعى 10,5 ك گ قازاقستاننىڭ تۇڭعىش التىن كەسەگى ءوندىرىلدى.

1995-جىلى قازاقستان رەسپۋبليكاسىنىڭ پرەزيدەنتى ن. ءا. نازاربايەۆ داۋوستا (شۆەيتساريا) وتكەن دۇنيەجۇزىلىك ەكونوميكالىق فورۋمعا قاتىستى. فورۋم بارىسىندا بولىپ وتكەن كوپتەگەن كەزدەسۋلەردىڭ اراسىنان ەلباسىنىڭ ەۋروپانىڭ بىرنەشە مەملەكەتى، امەريكا، ازيا مەملەكەتتەرىنىڭ باسشىلارىمەن جانە بىرنەشە ءىرى حالىقارالىق قارجى ۇيىمدارىنىڭ باسشىلارىمەن كەزدەسۋىن اتاپ وتۋگە بولادى. اڭگىمەلەر بارىسىندا ءوزارا ءتيىمدى ىنتىماقتاستىقتى دامىتۋ جولدارى قاراستىرىلدى.

2005-جىلى قازاقستان رەسپۋبليكاسى قارجى نارىعى مەن قارجى ۇيىمدارىن رەتتەۋ جانە قاداعالاۋ اگەنتتىگى «قازىناشىلىق» دەپ اتالاتىن قازاقستانداعى العاشقى اشىق ينۆەستيتسيالىق قوردى تىركەدى.

2006-جىلى «قازپوشتا» اكتسيونەرلىك قوعامى اۋباكىر ىسمايىلوۆتىڭ شىعارماشىلىعىنا ارنالعان «بەينەلەۋ ونەرى» سەرياسىنىڭ پوشتا ماركاسىن اينالىمعا ەنگىزدى. ماركادا سۋرەتشىنىڭ 1928-جىلى سالعان اباي پورترەتى بەينەلەنگەن. سوڭعى 10 جىل توڭىرەگىندە گ. ىسمايلوۆانىڭ «قىز جىبەك»، س. كالمىكوۆتىڭ «فانتاستيكالىق ناتيۋرمورت»، ح. ناۋرىزبايەۆتىڭ «شوپان پورترەتى»، ج. شاردەنوۆتىڭ «بيىك تاۋلار»، م. كەنبايەۆتىڭ «اساۋعا قۇرىق سالۋ»، ا. عالىمبايەۆانىڭ «كەسەدەگى قىمىز»، س. ايتبايەۆتىڭ «باقىت» سياقتى تۋىندىلارى «بەينەلەۋ ونەرى» سەرياسىمەن پوشتا ماركالارىندا بەينەلەنگەن بولاتىن.

2010-جىلى ماسكەۋدە داڭقتى قولباسشى، كەڭەس وداعىنىڭ باتىرى، جازۋشى باۋىرجان مومىش ۇلىنىڭ 100 جىلدىق مەرەيتويىنا ورايلاستىرىلعان «اڭىزعا اينالعان باتىر» («لەگەندارنىي باتىر») اتتى جيناعى جارىق كوردى. قازاق جانە ورىس تىلىندە شىعارىلعان جيناققا حالىق باتىرى باۋىرجان تۋرالى قازاق جازۋشىلارى شەرحان مۇرتازا، ەلەنا ءالىمجانوۆا، مۇحامەدجان كاتيمحاننىڭ ەستەلىك شىعارمالارى جانە ماسكەۋدىڭ مۇراعاتتارىندا ساقتالعان بۇرىن جاريالانباعان باۋىرجان مومىش ۇلىنىڭ كۇندەلىكتەرى كىردى.

2011-جىلى مەملەكەت باسشىسى «2011-جىلدى قازاقستان رەسپۋبليكاسى تاۋەلسىزدىگىنىڭ 20 جىلدىعى دەپ جاريالاۋ تۋرالى» جارلىققا قول قويدى.

2012-جىلى «قازپوشتا» ا ق «ەسكەرتكىش، مەرەيتويلىق داتالار جانە مەرەكەلەر» سەرياسىندا كورنەكتى مەملەكەت جانە پارتيا قايراتكەرى، ءۇش مارتە سوتسياليستىك ەڭبەك ەرى دىنمۇحامەد قونايەۆتىڭ 100 جىلدىعىنا ارنالعان كوركەمسۋرەتتى پوشتا ماركالارىن اينالىمعا شىعاردى.

2016-جىلى جازۋشى، مەملەكەتتىك سىيلىقتىڭ يەگەرى، دراماتۋرگ اكىم تارازي ۇلتتىق اكادەميالىق كىتاپحاناعا ءوزىنىڭ جازعان كىتاپتارى، سونداي-اق، جەكە كىتاپحاناسىندا جيناعان وتە قۇندى 978 كىتاپتى تارتۋ ەتتى.

2017-جىلى تاجىكستاندا رەسەي- تاجىك ۋنيۆەرسيتەتىنىڭ پروفەسسورى ابدۋساتتور نۋراليەۆتىڭ «تاجىكستان قازاقتارى» اتتى كىتابى جارىق كوردى. وندا تاجىكستاندا تۇراتىن قازاق دياسپوراسىنىڭ تاريحى، وسى ەلدى دامىتۋعا قوسقان ۇلەسى تۋرالى باياندالادى.

2017-جىلى «قازاقستان مەملەكەتتىك-جەكە ارىپتەستىك ورتالىعى» «ورتالىق ازياداعى ۇزدىك اقىلدى ورتالىق» نوميناتسياسى بويىنشا العاش رەت الەمدىك ساراپتامالىق ورتالىقتار رەيتينگىنە كىردى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات