تۇرمەدە 27 جىل وتىرعان امەريكالىق ءاپ- ساتتە ميلليونەر اتاندى
1986 -جىلى وعان قىز بالانى ءولتىردى دەگەن ايىپ تاعىلدى، دەپ حابارلايدى tengrinews.kz Medialeaks كە سىلتەمە جاساپ. نەگىزىندە ول ەسىرتكى ساتۋشى ەكى توپتىڭ جانجالى سالدارىنان قازا تاپقان. الايدا قىلمىستى مارك ەسىمدى جىگىت ىستەدى دەپ، ءومىربويىنا باس بوستاندىعىنان ايىرعان.
مارك شاندقا قارسى كۋاگەر بولعان ادامدار ءوز سوزدەرىنەن اينىپ، ونىڭ كىنالى ەمەستىگى تۋرالى ايتا باستاعان. كەيبىرەۋلەرى مۇلدە ءوز سوزىنەن باس تارتقان. 27 جىل وتكەندە تەرگەۋشىلەر ءىستى قايتا قاراپ شىققان. سونىڭ ناتيجەسىندە ولار ماركتىڭ ەش كىناسى جوعىن انىقتاعان. ەر ادامدى بوستاندىققا شىقتى. ول مورالدىق وتەماقى تالاپ ەتتى. زاڭ ونىڭ جاعىنا شىقتى. ماركقا 27 ميلليون دوللار بەرۋ ۇكىمى شىقتى. ونىڭ ادۆوكاتى وسى سوماعا قاناعات تۇتتى، ءبىراق ونىڭ ايتۋىنشا تەككە وتكەن 27 جىلدى اقشامەن جۋىپ- شايۋعا كەلمەيدى. مارك بولسا، اقشا العانى ءۇشىن ەمەس، ارىنىڭ تازارعانىنا ءماز. قوماقتى سوما دا ونىڭ ءومىرىن جەڭىلدەتەتىنى انىق. ول بۇرىننان «ءوز كاسىبىم بولسا» دەپ ارماندايدى ەكەن.
www.24.kz