بيىل باسپاناعا مۇقتاج 27 مىڭ وتباسى قونىس تويىن تويلايدى

استانا. قازاقپارات - اعىمداعى جىلى ەلىمىزدە 118 مىڭ پاتەر پايدالانۋعا بەرىلەدى. بۇل تۋرالى بۇگىن ۇكىمەت وتىرىسىندا «نۇرلى جەر» باعدارلاماسى بويىنشا بايانداما جاساعان ق ر يندۋستريا جانە ينفراقۇرىلىمدىق دامۋ ءمينيسترى رومان سكليار ايتتى، دەپ حابارلايدى قازاقپارات ءتىلشىسى.

«2018 -جىلى تۇرعىن ءۇي قۇرىلىسىنا بارلىق قارجى كوزدەرىنەن 1,2 تريلليون تەڭگە ينۆەستيتسيا سالىندى. بۇل 2017 -جىلدىڭ دەڭگەيىنەن 8,1 پايىزعا جوعارى. مەملەكەتتىڭ 1 تەڭگەسىنە جەكە ينۆەستيتسيانىڭ 6 تەڭگەسى تارتىلدى. 12,5 ميلليون شارشى مەتر تۇرعىن ءۇي پايدالانۋعا بەرىلىپ، رەكوردتىق كورسەتكىشكە قول جەتكىزىلدى. بۇل 2017 -جىلدىڭ دەڭگەيىنەن 12,1 پايىزعا جوعارى. بارلىعى 113,7 مىڭ باسپانا سالىندى. بيىل ءبىز 13,1 ميلليون شارشى مەتر جاڭا تۇرعىن ءۇي سالۋدى جوسپارلاپ وتىرمىز. ول 118 مىڭ پاتەر بولادى»، - دەدى ول.

 ءمينيستردىڭ دەرەگىنشە، مەملەكەتتىك ينۆەستيتسيالار ەسەبىنەن 1,5 ميلليون شارشى مەتر تۇرعىن ءۇي پايدالانۋعا بەرىلەدى. بۇل 27 مىڭنان استام مۇقتاج ادامداردى باسپانامەن قامتاماسىز ەتەدى.

«بيىل جىل باسىنان بەرى بارلىق قارجى كوزدەرىنەن 1,7 ميلليون شارشى مەتر تۇرعىن ءۇي نەمەسە 15 مىڭ باسپانا پايدالانۋعا بەرىلدى. 5 وڭىردە تۇرعىن ۇيلەردى ەل يگىلىگىنە بەرۋ قارقىنى تومەندەگەن. ولار - استانا قالاسى، پاۆلودار، شىعىس قازاقستان، باتىس قازاقستان جانە اقمولا وبلىستارى»، - دەدى ر. سكليار.

اۆتور: مارلان جيەمباي