استانانىڭ «تۇنگى سوتتارى» كۇنىنە 27 ءىستى قارايدى

None
None
استانا. قازاقپارات - استانا قالاسىنىڭ مامانداندىرىلعان اۋدانارالىق اكىمشىلىك سوتى «تۇنگى سوت» ىلكى جوباسى اياسىندا كۇنىنە 27 ءىستى قارايدى، دەپ حابارلايدى قازاقپارات ءتىلشىسى.

«تۇنگى سوت» پيلوتتىق جوباسى اياسىندا اتالمىش سوتتا ماۋسىم ايىنىڭ باسىنان بەرى كولىك قۇرالىنىڭ زاقىمدانۋىنا اكەپ سوققان جول ءجۇرۋ ەرەجەسىنىڭ بۇزىلۋىنا بايلانىستى 382 ماتەريال قارالعان. سونداي-اق، جابىرلەنۋشىلەر تاراپىنان تۇنگى سوتتارعا قاتىسقانداردىڭ سانى 413 ادامدى قۇراعان.

«بۇگىنگى تاڭدا «تۇنگى سوت» جوباسى اياسىندا ورتاشا ەسەپپەن كۇنىنە 27 ماتەريال قارالىپ جاتىر»، - دەلىنگەن استانا قالاسىنىڭ مامانداندىرىلعان اۋدانارالىق اكىمشىلىك سوتىنىڭ حابارلاماسىندا.

جوبانى بۇگىنگى تاڭدا ازاماتتار، ساقتاندىرۋ كومپانيالارى مەن اكىمشىلىك پوليتسيا وكىلدەرى قولداپ وتىر. ولاردىڭ ايتۋىنشا، «تۇنگى سوت» جول-كولىك وقيعاسىنا قاتىسۋشى تاراپتار ءۇشىن وتە ىڭعايلى. سەبەبى، بۇل ءبىر جاعىنان ۋاقىتتى ۇنەمدەۋگە، ەكىنشىدەن تاراپتاردىڭ جاۋاپكەرشىلىگى ماسەلەسىن تەزىرەك شەشۋگە مۇمكىندىك بەرەدى.

 

سوڭعى جاڭالىقتار