قازاقستاندىق مەتسەناتتار تۋعان جەرلەرىنە 270 ميلليارد تەڭگەگە كومەك كورسەتتى
بۇل تۋرالى ق ر اقپارات جانە قوعامدىق دامۋ ۆيتسە- ءمينيسترى بولات تىلەپوۆ ايتتى، دەپ حابارلايدى قازاقپارات ءتىلشىسى.
«وسى رەتتە «رۋحاني جاڭعىرۋ« باعدارلاماسىنىڭ «تۋعان جەر» جوباسىن، ونىڭ مەسەناتتىقتى دامىتۋ باعىتى تۋرالى ارنايى اتاپ وتكىم كەلەدى. وزدەرىڭىز بىلەسىزدەر، 2018 -جىلدان باستاپ مينيسترلىك «جومارت جۇرەك» سىيلىعىن تاعايىنداپ، جىل سايىن قايىرىمدىلىققا جانى جاقىن ازاماتتارعا ۇسىنىپ كەلەدى. ولاردىڭ ىشىندە ارينە، تۋعان ولكەسىنە ەرەكشە ۇلەس قوسىپ جۇرگەن تۇلعالاردىڭ ورنى بولەك. باعدارلامانى ىسكە اسىرۋدىڭ 3 جىلىندا وسىنداي 12 مىڭ مەتسەنات ازاماتتارىمىزدىڭ دەمەۋشىلىگىمەن 270 ميلليارد تەڭگەنىڭ جۇمىسى اتقارىلدى»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، مەتسەناتتار اتالعان قاراجاتقا 2600-دەن استام ءتۇرلى الەۋمەتتىك ماڭىزى بار رۋحاني نىسان سالىپ، 2142 نىساندى قايتا جوندەۋدەن وتكىزگەن.
«بيىلعى قيىندىقتارعا قاراماستان 2131 دەمەۋشى ازاماتتىڭ ارقاسىندا ەلىمىزدىڭ ءار ايماعىندا 228 نىسان سالىندى. ونىڭ ىشىندە 2 مەكتەپ، 2 بالاباقشا، 19 مادەنيەت نىسانى، 36 سپورت الاڭى، 31 بالالار الاڭى جانە باسقالارى بار. ارينە، بۇل جۇمىس الداعى ۋاقىتتا دا ءوز جالعاسىن تابادى دەگەن ۇمىتتەمىز. ول ءۇشىن مينيسترلىك تاراپىنان دا، جەرگىلىكتى بيلىك تاراپىنان دا قاجەتتى جاعداي جاسالاتىن بولادى»، - دەدى بولات تىلەپوۆ.
اۆتور: مارلان جيەمباي