قازاقستاندا 27 مىڭ 597 ادام كوروناۆيرۋستان ەم الىپ جاتىر - مينيسترلىك
بۇل تۋرالى ق ر دەنساۋلىق ساقتاۋ مينيسترلىگىنىڭ Telegram پاراقشاسىنان ءمالىم بولدى، دەپ حابارلايدى قازاقپارات.
مينيسترلىكتىڭ دەرەكتەرى بويىنشا، ەلىمىزدىڭ ستاتسيونارلارىندا 6351 ناۋقاس جاتىر، 21246 ادام امبۋلاتوريالىق جاعدايدا ەمدەلۋدە.
جالپى ناۋقاستاردىڭ اراسىندا 172 ادامنىڭ جاعدايى ناشار. سونىڭ ىشىندە 26 ناۋقاستىڭ جاعدايى وتە اۋىر دەپ باعالانۋدا. 44 ناۋقاس وكپەنى جاساندى جەلدەتۋ اپپاراتىندا جاتىر.
«ق ر دەنساۋلىق ساقتاۋ مينيسترلىگى بۇدان بىلاي تاۋلىكتىك ناتيجەلەر تۋرالى اقپاراتتى كۇن سايىن ۇنەمى ۇزبەي جاريالاپ وتىرادى. بارلىق مالىمەت رەسمي سايتتا جانە ۆەدموستۆانىڭ الەۋمەتتىك جەلىلەردەگى پاراقشالارى ارقىلى تاراتىلادى. اتاپ ايتقاندا، ناۋقاستاردىڭ جالپى سانى جونىندە، قايتىس بولۋ دەرەكتەرى تۋرالى جانە دە قوعام ءۇشىن ماڭىزدى احۋالدىڭ بارلىعى رەسمي اقپارات تاراتۋ كوزدەرىندە جەدەل جاريالانادى. ال، ايماقتارداعى احۋال تۋرالى اقپاراتتى اپتا سايىن دەنساۋلىق ساقتاۋ مينيسترلىگىنىڭ رەسمي وكىلى ارنايى بريفينگتە حابارلاپ تۇرادى»، - دەلىنگەن مينيسترلىكتىڭ حابارلاماسىندا.