قازاقستان مەن قىتاي قۇنى 27,4 ميلليارد دوللاردى قۇرايتىن 55 جوبانىڭ ءتىزىمىن بەكىتتى

None
None
استانا. قازاقپارات - ينۆەستيتسيالار جانە دامۋ ءمينيسترى جەڭىس قاسىمبەك جۇمىس ساپارىمەن بەيجىڭگە باردى. بۇگىن ول قىتايدىڭ دامۋ جانە رەفورما كوميتەتى ءتوراعاسىنىڭ ورىنباسارى نيڭ جيچجەمەن كەزدەستى.

تاراپتار يندۋسترياليزاتسيا جانە ينۆەستيتسيا سالاسىنداعى ارىپتەستىكتىڭ ون بەسىنشى وتىرىسىنا قاتىسىپ، ەكى ەل اراسىنداعى بىرلەسكەن جوبالاردىڭ جۇزەگە اسىرىلۋ بارىسىن تالقىلادى. كەزدەسۋدە جالپى قۇنى 27,4 ميلليارد دوللاردى قۇرايتىن 55 جوبانىڭ ءتىزىمى بەكىتىلدى.

بۇدان بولەك، جەڭىس قاسىمبەك ءبىرقاتار قىتايلىق كومپانيانىڭ باسشىلارىمەن ەنەرگەتيكا، اۋىل شارۋاشىلىعى، جوعارعى تەحنولوگيا سالاسىنداعى جوبالاردى تالقىلادى.

 ليۋ چەنچەن، «China CAMC engineering»  ۆيتسە- پرەزيدەنتى:

 - بۇگىنگى مينيسترمەن كەزدەسۋ ناتيجەلى ءوتتى. ءبىز قوستاناي وبلىسىندا اۋىل شارۋاشىلىعى ونىمدەرىن تەرەڭ وڭدەيتىن جوبانى جۇزەگە اسىرماقپىز. مينيسترگە وسى باعىتتاعى جۇمىستاردى بايانداپ، كەيبىر سۇراقتاردى اقىلداستىم. جوبامىز جۇزەگە اسسا، 200 جاڭا جۇمىس ورنى اشىلادى.

www.24.kz

سوڭعى جاڭالىقتار