قىتايلىق ءتورت جاسار بالا 26-قاباتتان قولشاتىرمەن ۇشىپ، قۇلاپ امان قالعان

استانا. قازاقپارات - قىتايدىڭ حۋنان پروۆينتسياسىندا ءتورت جاسار بالا 26-قاباتتان قولشاتىرمەن ۇشىپ، امان قالعان، - دەپ حابارلايدى Massaget.kz ءتىلشىسى Mothership سايتىنا سىلتەمە جاساپ.

باسىلىم مالىمەتىنشە، بالانىڭ مۇنداي ارەكەتكە بارۋىنا «توم مەن دجەرري» مۋلتفيلمىندەگى كادر سەبەپ بولعان. بالا كوپ ويلانباي مۋلتفيلمدەگى ارەكەتتى قايتالاماق بولعان. ول پاتەردىڭ بالكونىنا شىعىپ، 26-قاباتتان قولشاتىرمەن سەكىرىپ كەتكەن. وقيعا بولعان ساتتە بالا ۇيدە جالعىز بولعان. ءتورت جاسار بالانىڭ اجەسى ونىڭ اپكەسىنە كەتكەن.

وقيعا ورنىنا كەلگەن مەديتسينا قىزمەتكەرلەرى بالا ءتۇرلى جاراقات العانىن، الايدا ونىڭ ومىرىنە ەش قاۋىپ جوعىن انىقتاعان. وعان ءبىر عانا سەبەپ بار: بالانىڭ سالماعى از، ال جەرگە قۇلار الدىندا ول اعاشقا سوعىلىپ ءبىر-اق تۇسكەن.