قازگيدرومەت شىلدەنىڭ 26-سى كۇنگى كۇن رايى بولجامىن جاريالادى
كاسىپورىن تاراتقان دەرەكتەرگە قاراعاندا، قازاقستاننىڭ باتىس جارتىسىندا، كۇندىز سولتۇستىگىندە، وڭتۇستىك - شىعىسىنداعى تاۋلى اۋدانداردا اتموسفەرالىق فرونتالدى بولىكتەردىڭ اسەرىنەن جاڭبىر جاۋادى، اقتوبە وبلىسىنىڭ سولتۇستىگىندە نايزاعاي ويناپ، بۇرشاق جاۋادى، داۋىل تۇرىپ، نوسەرلەتەدى. كۇندىز قىزىلوردا وبلىسىنىڭ سولتۇستىگىندە شاڭدى داۋىل تۇرادى.
رەسپۋبليكا بويىنشا جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى، قازاقستاننىڭ شىعىس جارتىسىندا كۇن جاۋىن- شاشىنسىز بولادى. تۇركىستان، قىزىلوردا، جامبىل، جەتىسۋ، الماتى وبلىستارىنىڭ باسىم بولىگىندە، اتىراۋ وبلىسىنىڭ وڭتۇستىگىندە، ۇلىتاۋ وبلىسىنىڭ شىعىسىندا توتەنشە ءورت قاۋپى ساقتالادى.
كۇندىز جەتىسۋ، جامبىل، تۇركىستان، قىزىلوردا، اتىراۋ، سولتۇستىك قازاقستان وبلىستارىنىڭ باسىم بولىگىندە، قوستاناي، قاراعاندى وبلىستارىنىڭ وڭتۇستىگىندە، الماتى وبلىسىنىڭ تاۋ بوكتەرىندەگى اۋداندارىندا قاتتى ىستىق بولادى. كۇندىز الماتى وبلىسىنىڭ باسىم بولىگىندە، جامبىل وبلىسىنىڭ باتىسى مەن وڭتۇستىگىندە، جەتىسۋ وبلىسىنىڭ سولتۇستىگى مەن شىعىسىندا وتە قاتتى ىستىق ساقتالادى.