قازگيدرومەت مامىردىڭ 26-سى كۇنگى كۇن رايى بولجامىن جاريالادى

None
None
نۇر-سۇلتان. قازاقپارات - «قازگيدرومەت» ر م ك- سى مامىردىڭ 26-سى كۇنگى كۇن رايى بولجامىن جاريالادى، دەپ حابارلايدى قازاقپارات.

كاسىپورىن تاراتقان دەرەكتەرگە قاراعاندا، ەكاتەرينبۋرگ اۋدانىنان كەلگەن تسيكلوننىڭ ىقپالىمەن رەسپۋبليكانىڭ باتىس، سولتۇستىك- باتىس، سولتۇستىك، وڭتۇستىك اۋداندارىندا كۇن قۇبىلمالى بولادى.

سونداي-اق اتالعان سيكلوننىڭ ىقپالىمەن رەسپۋبليكانىڭ باسىم بولىگىندە جاڭبىر جاۋىپ، سولتۇستىك- باتىستا نوسەر جاڭبىر جاۋادى، نايزاعاي ويناپ، بۇرشاق جاۋالى، جەل كۇشەيەدى. تۇنگى جانە تاڭعى ساعاتتاردا باتىس پەن سولتۇستىك- باتىستا توپىراق بەتىندە 2 گرادۋسقا دەيىن ۇسىك دۇرەدى. ەلىمىزدىڭ وڭتۇستىگىندە، سولتۇستىگىندە شاڭدى داۋىل تۇرادى.

كۇندىز تۇركىستان وبلىسىنىڭ تاۋلى اۋداندارىندا نايزاعاي ويناپ، داۋىل تۇرادى، وبلىستىڭ سولتۇستىگىندە، باتىسىندا شاڭدى داۋىل تۇرادى، وبلىستىڭ سولتۇستىگىندە، باتىسىندا، تاۋلى اۋداندارىندا جەلدىڭ جىلدامدىعى سەكۋندىنا 15-20 مەتر جىلدامدىقپەن سوعادى، كۇندىز ەكپىنى 25 م/س- قا دەيىن كۇشەيەدى.

كۇندىز الماتى وبلىسىنىڭ تاۋلى اۋداندارىندا نايزاعاي ويناپ، نايزاعاي كەزىندە جەلدىڭ كۇشى 15-20 م/س- كە دەيىن كۇشەيەدى.

ماڭعىستاۋ وبلىسىنىڭ تۇندە وڭتۇستىگىندە، كۇندىز سولتۇستىگىندە، شىعىسىندا، ورتالىعىندا نايزاعاي ويناپ، تۇندە جانە تاڭەرتەڭ وبلىستىڭ باتىسىندا تۇمان تۇسەدى.

اقتوبە وبلىسىنىڭ شىعىسىندا، وڭتۇستىگىندە نايزاعاي ويناپ، بۇرشاق جاۋادى، وبلىستىڭ شىعىسىندا، وڭتۇستىگىندە، ورتالىعىندا جەل 15-20 م/س جىلدامدىقپەن سوعادى.

قوستاناي وبلىسىنىڭ سولتۇستىك جارتىسىندا نايزاعاي ويناپ، بۇرشاق جاۋادى، وبلىستىڭ وڭتۇستىگىندە، وڭتۇستىك- شىعىسىندا شاڭدى داۋىل تۇرادى، جەلدىڭ جىلدامدىعى سەكۋندىنا 15-20 م/س، كۇندىز ەكپىنى 23-28 م/س- قا دەيىن كۇشەيەدى.

كۇندىز سولتۇستىك قازاقستان وبلىسىنىڭ سولتۇستىگىندە، باتىسىندا، وڭتۇستىك- باتىسىندا نايزاعاي ويناپ، داۋىل تۇرادى، بۇرشاق جاۋىپ، شاڭدى داۋىل تۇرادى، كۇندىز جەلدىڭ جىلدامدىعى سەكۋندىنا 15-20 مەترگە، وبلىستىڭ وڭتۇستىك- باتىسىندا ەكپىنى 25 م/س- كە دەيىن كۇشەيەدى.

كۇندىز جامبىل وبلىسىنىڭ تاۋلى اۋداندارىندا نايزاعاي ويناپ، بۇرشاق جۋادى، داۋىل تۇرادى، جەل 15-20 م/س جىلدامدىقپەن سوعادى.

قىزىلوردا وبلىسىنىڭ ورتالىعىندا جەل 15-20 م/س- قا دەيىن كۇشەيەدى. كۇندىز قاراعاندى وبلىسىنىڭ باتىسىندا، سولتۇستىگىندە دە جەلدىڭ جىلدامدىعى سەكۋندىنا 15-20 مەترگە جەتەدى. كۇندىز قاراعاندى وبلىسىندا، جامبىل وبلىسىنىڭ سولتۇستىگىندە قاتتى اپتاپ ىستىق بولادى. باتىس قازاقستان، اقتوبە وبلىستارىندا توپىراق بەتىندە 2 گرادۋسقا دەيىن ۇسىك جۇرەدى.

شىعىس قازاقستان وبلىسىنىڭ جارما اۋدانىندا، قىزىلوردا وبلىسىنىڭ ورتالىعىندا، پاۆلودار وبلىسىندا توتەنشە ءورت قاۋپى ساقتالادى.

سوڭعى جاڭالىقتار