15:02, 23 - مامىر 2022 | GMT +6
قاسىم- جومارت توقايەۆ 26- مامىردا رەسمي ساپارمەن قىرعىزستانعا بارادى
نۇر- سۇلتان. قازاقپارات – 26-مامىر كۇنى مەملەكەت باسشىسى قاسىم- جومارت توقايەۆ پرەزيدەنت سادىر جاپاروۆتىڭ شاقىرۋىمەن قىرعىز رەسپۋبليكاسىنا رەسمي ساپارمەن بارادى، دەپ حابارلايدى قازاقپارات.
پرەزيدەنت باسپا ءسوز قىزمەتىنىڭ Telegram پاراقشاسىندا حابارلانعانداي، ەكى مەملەكەت باسشىلارى بىشكەكتە شاعىن جانە كەڭەيتىلگەن قۇرامدا كەزدەسۋ وتكىزەدى دەپ جوسپارلانىپ وتىر. كەلىسسوز بارىسىندا ساياسي ديالوگتى ودان ءارى كۇشەيتۋگە، ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق ىنتىماقتاستىقتى نىعايتۋعا ءمان بەرە وتىرىپ، قازاقستان مەن قىرعىزستان اراسىنداعى ستراتەگيالىق سەرىكتەستىكتى دامىتۋ ماسەلەلەرى قاراستىرىلماق.
كەلەسى كۇنى، ياعني 27-مامىردا قاسىم- جومارت توقايەۆ اقوردادا جوعارى ەۋرازيالىق ەكونوميكالىق كەڭەستىڭ وتىرىسىنا بەينەبايلانىس رەجيمىندە قاتىسادى.