+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

ەلىمىزدە تەرروريزمدى قارجىلاندىرۋعا قاتىستى 26 فاكتى تىركەلدى

28 قازان 14:27
:ءبولىسۋ
ەلىمىزدە تەرروريزمدى قارجىلاندىرۋعا قاتىستى 26 فاكتى تىركەلدى

نۇر- سۇلتان. قازاقپارات - 2018-2020 -جىلدارى ەل كولەمىندە تەرروريزمدى قارجىلاندىرۋعا قاتىستى 26 فاكتى تىركەلىپ، جولى كەسىلدى.

بۇل تۋرالى ق ر تەرروريزمگە قارسى ورتالىق شتابىنىڭ ءبولىم باسشىسى جاناربەك جاڭابايەۆ ءمالىم ەتتى، دەپ حابارلايدى قازاقپارات ءتىلشىسى.

«ءبىز قارجىلىق مونيتورينگ اگەنتتىگىمەن تەرروريستىك ارەكەتتەردى قارجىلاندىرۋعا قارسى كۇرەستى بىرلەسىپ جۇرگىزىپ جاتىرمىز. ەلىمىزدە ءدىني دەسترۋكتيۆتى اعىمداردى قارجىلاندىرۋ ماسەلەسى باستى نازاردا. بۇل باعىتتا ق ر ۇ ق ك، ق ر ءى ءى م، باس پروكۋراتۋرا، ق ر ق م ا جانە قارجى مينيسترلىگىنىڭ كىرىستەر كوميتەتىمەن بىرلەسىپ كۇرەسۋ مەحانيزمى ازىرلەندى.

ستاتيستيكاعا سۇيەنسەك، 2018-2020 -جىلدارى ەل كولەمىندە تەرروريزمدى قارجىلاندىرۋعا قاتىستى 26 فاكتى تىركەلىپ، جولى كەسىلدى. اتالعان فاكتىلەر بويىنشا ىشكى ىستەر مينيسترلىگى قىلمىستىق ءىس قوزعالىپ، ول باس پروكۋراتۋراعا دەيىن جەتكىزىلدى. بۇل ورايدا اقپارات جانە قوعامدىق دامۋ مينيسترلىگى دە حالىق اراسىندا ءتۇسىندىرۋ جۇمىستارىن ۇيىمداستىردى. بيىلدىڭ وزىندە ەكسترەميستىك قىلمىسقا بارعان 3 ازاماتتىڭ ۇستىنەن ءىس قوزعالدى»، - دەدى جاناربەك جاڭابايەۆ رەسپۋبليكالىق كونفەرەنسيا بارىسىندا.

ونىڭ ايتۋىنشا، قۇزىرلى ورگاندارمەن بىرلەسكەن اتالعان باعىتتاعى جۇمىستار جالعاسىن تابادى. بۇعان دەيىن، تەرروريزمگە قارسى ورتالىق شتابىنىڭ وكىلى «جۋسان» وپەراتسياسىنىڭ ناتيجەسىندە قازاقستاندىق 77 ايەل راديكالدى يدەولوگيادان ءوز ەركىمەن باس تارتقانىن ءمالىم ەتتى.

ايتا كەتەيىك، بۇگىن ەلوردادا تەرروريستىك قاۋىپ- قاتەرگە قارسى كۇرەس تاقىرىبىنا ارنالعان 8- رەسپۋبليكالىق كونفەرەنسيا ءوتىپ جاتىر. اتالعان شارادا قاۋىپسىزدىكتى نىعايتۋ سالاسىنداعى بۇگىنگى احۋال مەن تەندەنسيالار ورتاعا سالىنىپ جاتىر. جانە كونفەرەنسيا ق ر ۇلتتىق قاۋىپسىزدىك كوميتەتىنىڭ تەرروريزمگە قارسى ورتالىعىنىڭ ۇيىتقى بولۋىمەن وتۋدە.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات