+7 (701) 759 90 19
20 °С : نۇر-سۇلتان
19 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

قازاقپارات كۇنتىزبەسى: 26- ناۋرىز

26 ناۋرىز 10:14
:ءبولىسۋ
قازاقپارات كۇنتىزبەسى: 26- ناۋرىز

نۇر-سۇلتان. قازاقپارات - قازاقپارات وقىرماندارىنا 2020-جىلعى 26- ناۋرىزعا ارنالعان كۇنتىزبەسىن ۇسىنادى.

بەيسەنبى

اتاۋلى كۇندەر

كۇلگىن كۇن

2008-جىلعى 26-ناۋرىزدان بەرى قالىڭ جۇرتشىلىققا ەپيلەپسيا اۋرۋى تۋرالى اقپارات بەرۋ ماقساتىندا اتالىپ وتەدى. وعان قاتىسۋشىلار كيىمدەرىنە كۇلگىن ءتۇستى تاسپانى (ەپيلەپسيانىڭ سيمۆولى) تۇيرەپ الادى.

2009-جىلى كۇلگىن كۇن ا ق ش- تا انيتا كاۋفمانن قورىنىڭ قولداۋىمەن تويلاندى. اكتسياعا 100 مىڭنان استام ستۋدەنت، 95 ۇيىم وكىلدەرى جانە 116 ساياساتكەر قاتىستى. سودان بەرى وعان قاتىسۋشىلاردىڭ قاراسى كوبەيىپ كەلەدى.

ەستە قالار وقيعالار

1937-جىلى 1936-جىلعى جەلتوقساننىڭ 5 دەگى ك س ر و- نىڭ جاڭا كونستيتۋتسياسى قابىلدانۋىنا جانە قازاق اۆتونوميالى ك س ر- نىڭ قازاق ك س ر وداقتاس رەسپۋبليكا بولىپ قايتا قۇرىلۋىنا وراي قازاقستان كەڭەستەرىنىڭ توتەنشە X سەزى ءوتىپ، قازاق ك س ر- نىڭ جاڭا كونستيتۋتسياسى قابىلداندى.

1993-جىلى قىزىلوردا قالاسىندا ارال تەڭىزى پروبلەمالارى بويىنشا مەملەكەتارالىق كەلىسىمگە قول قويىلدى. كەلىسىمگە قازاقستان، قىرعىزستان، تاجىكستان، وزبەكستان رەسپۋبليكالارىنىڭ پرەزيدەنتتەرى قول قويدى. كەلىسىمنىڭ ارنايى باپتارىندا ارال تەڭىزى ايدىنىنداعى ەكولوگيالىق داعدارىسقا بايلانىستى نەگىزگى ماسەلەلەر ناقتى قارالدى. اپاتتىڭ الدىن الۋعا، قورشاعان ورتانى ساۋىقتىرۋعا جانە ارال ايماعىنىڭ الەۋمەتتىك-ەكونوميكالىق دامۋىن قامتاماسىز ەتەتىن، دەنساۋلىق ساقتاۋ، ت. ب. شارالارعا تىكەلەي نازار اۋدارىلدى.

كەلىسىمدى ورىنداۋدىڭ العىشارتى رەتىندە حالىقارالىق ارال قورى، ارال تەڭىزى ماسەلەلەرى جونىندەگى مەملەكەتارالىق كەڭەس قۇرىلىپ، ولاردىڭ ۇيىمدىق ماسەلەلەرى شەشىلدى.

2008-جىلى الماتىدا وزبەكالى جانىبەكوۆ اتىنداعى كوشەنىڭ اشىلۋ ءراسىمى ءوتتى. نوۆايا كوشەسىنە وزبەكالى جانىبەكوۆتىڭ ەسىمىن بەرۋ تۋرالى شەشىمدى الماتى اكىمى مەن قالالىق ءماسليحات شىعاردى. وزبەكالى جانىبەكوۆ (1931-1998) - مەملەكەتتىك قايراتكەر، ەتنوگراف، تاريح عىلىمدارىنىڭ كانديداتى. ول ۇلتتىق مادەنيەتتىڭ، انا ءتىلىنىڭ، قازاق حالقى داستۇرلەرىنىڭ وركەندەۋى مەن دامۋىنا ۇلكەن ۇلەس قوستى.

ⅩⅩ عاسىردىڭ 70-3 -جىلدارى احمەت ياساۋي كەسەنەسىن قايتا قالپىنا كەلتىرۋدىڭ باستاماشىسى بولدى. ەكى مارتە ەڭبەك قىزىل تۋ وردەنىمەن ناگرادتالدى.

2011-جىلى الماتىدا حالىقارالىق مۋزىكالىق جوبا - «ۇلى دالانىڭ ۇنسىزدىگى» كانتاتاسى ورىندالدى. ءۇش بولىكتەن تۇراتىن شىعارمانىڭ درامالىق كورىنىستەرى قازاق، ورىس جانە اعىلشىن تىلدەرىندە ورىندالدى.

شىعارما اۆتورى - امەريكانىڭ بەلگىلى كومپوزيتورى ەنن لي بەرون، سولو ءنومىرىن ورىنداعان ت. بەكبوسىنوۆتى «نيۋ-يورك تايمس» گازەتى جوعارى باعالادى.

2012-جىلى وڭتۇستىك قازاقستان وبلىسىنىڭ اكىمدىگى وڭىردەگى 6 ەلدى مەكەندى - ارىس، تۇركىستان، سارىاعاش، جەتىساي، شاردارا، لەڭگىردى مونوقالالار تىزىمىنە ەنگىزۋدى ۇسىندى.

2015-جىلى قازاقستاننىڭ لوندونداعى شەتەلدىك ستۋدەنتتىك ۇيىمدارىنىڭ ستۋدەنتتەرى مەن كوشباسشىلارى ( ۇلىبريتانيا، اقش، قىتاي، شۆەيتساريا) «قازاليانس» جاڭا ۇيىمىنا «قازاقستان -2050» جالپى ۇلتتىق قوزعالىسىنىڭ اياسىندا بىرىكتىرۋ بويىنشا دەكلاراتسياعا قول قويدى.

الەمدىك قوعامداستىقتى دامىتۋدىڭ قازىرگى جاعدايلارىندا ءبىرىڭعاي ۇيىم بارلىق قازاقستاندىق ستۋدەنتتەرگە وقۋ جانە تۇرعىلىقتى جەرىنە قاراماستان وزدەرىنىڭ قۇقىقتارى مەن مۇددەلەرىن، سونىڭ ىشىندە ءوزىن-ءوزى جۇزەگە اسىرۋ قۇقىعىن ىسكە اسىرۋعا مۇمكىندىك بەرەدى.

2016-جىلى الماتى قالاسىندا س. د. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى مەن ديۋك ۋنيۆەرسيتەتى (ا ق ش) اراسىنداعى مەموراندۋمعا قول قويىلدى.

2018-جىلى Qazaqstan ۇلتتىق تەلەارناسى كورەرمەندەرىنە «الاش» پارتياسى وكىلدەرىنىڭ ءومىرى، تاعدىرى، قىزمەت جولى تۋرالى اڭگىمەلەيتىن «تار زامان» تەلەحيكاياسىن ۇسىندى. تەلەحيكايادا 34 تاريحي تۇلعا تۋرالى اڭگىمە ءوربيدى.

2019-جىلى وڭتۇستىك كورەيانىڭ ەڭ تانىمال Korean Broadcasting System تەلەكومپانياسىنىڭ ءتۇسىرىلىم توبى قازاقستان جايلى باعدارلاما ءتۇسىردى. تۇسىرىلىمگە قازاقستانداعى نۇر-سۇلتان، الماتى قالالارى سياقتى كورنەكتى ورىندار مەن تابيعاتى عاجايىپ بۋراباي كۋرورتى تاڭداپ الىنعان.

ءتۇسىرۋ توبى كۋرورتتى ايماقتا ناۋرىز مەيرامىنىڭ تويلانۋ بارىسىن تاماشالاپ، قازاق حالقىنىڭ باي مادەنيەتىمەن تانىستى، ءتۇرلى سپورتتىق ويىنداردى كورىپ، ۇلتتىق تاعامداردان ءدام تاتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات