قازاقستان ونلاين قىزمەت كورسەتۋدەن الەم بويىنشا 26-ورىندا تۇر
«قىزمەت كورسەتۋ پروتسەسىن جەڭىلدەتۋ ءۇشىن ءبىز قىزمەت تۇرلەرىنىن %80 دان جوعارى اۆتوماتتاندىردىق. بۇۇ مالىمەتى بويىنشا، ءبىز بۇگىنگى تاڭدا ونلاين قىزمەت كورسەتۋ بويىنشا الەم ەلدەرى بويىنشا 26-ورىندا تۇرمىز. بۇل اۋقىمدى جۇمىستى جالعاستىراتىن بولامىز. 2020 -جىلى قىزمەت تۇرلەرىن اۆتوماتتاندىرۋ دەڭگەيى %90 دەن كەم بولمايدى. ءبىز قازىرگى ۋاقىتتا بيزنەس ءۇشىن ماڭىزدى قىزمەتتەردى اۆتوماتتاندىرا الاتىنىمىزعا سەنىمدىمىز»، - دەيدى اسقار جۇماعاليەۆ ەلوردادا وتكەن كاسىپكەرلەردىڭ سىبايلاس جەمقورلىققا قارسى فورۋمدا.
ول بيزنەسكە قاتىستى قىزمەت كورسەتۋدى اۆتوماتتاندىرۋ ماسەلەسىنە توقتالىپ ءوتتى.
«مۇنى اۆتوماتتاندىرۋ ءۇشىن ءبىز ءبىرقاتار زاڭنامالىق نورمالار ازىرلەدىك. بىزدە بيزنەس ءۇشىن ماڭىزدى جانە قاجەتتى، مىسالى جەر ۋچاسكەسىن بەرۋ نەمەسە ساۋلەت بويىنشا قىزمەتتەر بار»، - دەيدى ول.