نايزاعاي، داۋىل، جەل: 26- تامىزعا ارنالعان اۋا رايى بولجامى
رەسپۋبليكانىڭ باسىم بولىگى تسيكلون جانە سوعان بايلانىستى فرونتتاردىڭ ىقپالىندا بولادى. كەي جەرلەردە نايزاعاي، داۋىل، جەلدىڭ كۇشەيۋى كۇتىلىپ، بۇرشاق جاۋۋى ىقتيمال، سولتۇستىك جانە شىعىستىڭ كەي جەرلەرىندە تۇمان، ال وڭتۇستىكتە شاڭدى داۋىل كۇتىلەدى. وڭتۇستىك، شىعىس جانە ورتالىق انتيتسيكلون اسەرىندە بولعاندىقتان اۋا رايى جاۋىن-شاشىنسىز بولادى.
اقمولا وبلىسىنىڭ كەي جەرلەرىندە تۇمان، كۇندىز داۋىل، جەلدىڭ 15-20 م/س كۇشەيۋى كۇتىلەدى، بۇرشاق جاۋۋى ىقتيمال.
قوستاناي، سولتۇستىك قازاقستان وبلىستارىنىڭ كەي جەرلەرىندە نايزاعاي، داۋىل، بۇرشاق، كۇندىز جەلدىڭ 15-20 م/س كۇشەيۋى كۇتىلەدى.
تاڭەرتەڭ جانە كۇندىز قىزىلوردا وبلىسىنىڭ كەي جەرلەرىندە جەل 15-20 م/س كۇشەيىپ، شاڭدى داۋىل، كۇندىز كەي جەرلەردە نايزاعاي بولادى.
تۇندە جامبىل وبلىسىنىڭ كەي جەرلەرىندە جەل 15-20 م/س دەيىن كۇشەيىپ، شاڭدى داۋىل كۇتىلەدى. كۇندىز الماتى، ماڭعىستاۋ، باتىس قازاقستان، اقتوبە، پاۆلودار وبلىستارىندا جەلدىڭ 15-22 م/س كۇشەيۋى كۇتىلەدى.
اتىراۋ وبلىسىنىڭ كەي جەرلەرىندە نايزاعاي كۇتىلەدى. تۇندە جانە تاڭەرتەڭ شىعىس قازاقستان وبلىسىنىڭ كەي جەرلەرىندە تۇمان بولادى.
قىزىلوردا، تۇركىستان وبلىستارىندا، جامبىل، اقتوبە وبلىستارىنىڭ باسىم بولىگىندە، قاراعاندى وبلىسىنىڭ كەي جەرلەرىندە، اتىراۋ، باتىس قازاقستان وبلىستارىنىڭ جەكەلەگەن اۋداندارىندا وتە جوعارى ءورت قاۋپى ساقتالادى.