وزبەكستاندا قازاقستان ىزدەۋ سالعان 26 قىلمىسكەر ۇستالدى

استانا. قازاقپارات - قازاقستان مەن وزبەكستان ىشكى ىستەر مينيسترلەرى قالمۇحانبەت قاسىموۆ پەن پۋلات بوبوجونوۆ كەزدەستى، دەپ حابارلايدى قازاقپارات ءتىلشىسى.

ق ر  ءى ءى م باسپا ءسوز قىزمەتىنىڭ حابارلاۋىنشا، وزبەكستاننىڭ سامارقاند قالاسىندا وتكەن ءىس-شارا بارىسىندا ەكى ەلدىڭ ىشكى ىستەر ورگاندارىنىڭ قىلمىسقا قارسى كۇرەس سالاسىنداعى ءوزارا ءىس-قيمىلىن نىعايتۋ، شەكارالىق ىنتىماقتاستىقتى ودان ءارى دامىتۋ، پراكتيكالىق تاجىريبە الماسۋ ماسەلەلەرى، سونداي-اق زاڭ شىعارۋ قىزمەتى تالقىلاندى.

«قازاقستان مەن وزبەكستان اراسىنداعى ىنتىماقتاستىقتىڭ دامۋ قارقىنى بارلىق قىزمەت سالاسىندا كورىنىس تابۋدا. سونداي-اق، ىشكى ىستەر ورگاندارى اراسىنداعى ىنتىماقتاستىقتىڭ دا وزىندىك تاجىريبەسى قالىپتاسا باستادى. بىزدەر ەكىجاقتى، سونىمەن بىرگە بىرنەشە تاراپ بولىپ تا، دالىرەك ايتقاندا ت م د جانە ش ى ۇ اياسىندا دا بىرلەسكەن ءىس-شارالار اتقارامىز، كوپتەگەن پروبلەمالار ىشكى ىستەر مينيسترلەرى كەڭەسىنىڭ وتىرىستارىندا تالقىلانادى»، - دەپ اتاپ ءوتتى ق. قاسىموۆ.

قازىرگى ۋاقىتتا شەكارالاس وڭىرلەردە بىرلەسكەن ءىس-شارالار جوسپارى ىسكە اسىرىلۋدا. بىرلەسكەن ءىس-قيمىلدار ناتيجەسىندە بىرنەشە اۋىر قىلمىس، قاۋىپتى قىلمىسكەردى ىزدەستىرۋ جانە قۇرىقتاۋ وپەراتسيالارى ءساتتى ورىندالعان بولاتىن. بۇعان قوسا، قىلمىستىق ىستەر بويىنشا ناقتى قۇقىقتىق كومەكتەر دە كورسەتىلدى.

بۇگىندە ەكى ەل اراسىندا بىرلەسكەن ىزدەستىرۋ جۇمىستارى جولعا قويىلعان. ماسەلەن، وزبەكستاندىق ارىپتەستەردىڭ سۇراۋى بويىنشا 2017 جانە اعىمداعى جىلى قازاقستان اۋماعىندا 200 قىلمىسكەر ىزدەستىرىلدى. وزبەكستان تەرريتورياسىندا قازاقستان جاعى ىزدەستىرگەن 26 قىلمىسكەر انىقتالىپ، ۇستالدى.

كەزدەسۋ بارىسىندا قالمۇحانبەت قاسىموۆ ەكىجاقتى ىنتىماقتاستىقتىڭ بولاشاعىنا، شەكارالىق قىلمىس، ەكسترەميزم جانە تەرروريزمگە قارسى كۇرەس بويىنشا شارالار قابىلداۋ جانە بارىنشا تىعىز جۇمىس بايلانىستارىن جولعا قويۋ ماسەلەلەرىنە كەڭىرەك توقتالدى.

كەڭەستىڭ قورىتىندىسى بويىنشا قازاقستان مەن وزبەكستان ىشكى ىستەر مينيسترلىكتەرىنىڭ ۇيلەستىرۋ توبىن قۇرۋ تۋرالى بىرلەسكەن بۇيرىققا قول قويىلدى. اتالعان توپتىڭ قۇرامىنا مينيسترلىكتەردىڭ بەيىندىك قىزمەتتەرىنىڭ ءبىرىنشى باسشىلارى سايلاندى.

قازاقستاندىق دەلەگاتسيا باسشىسى ەكى ەلدىڭ ءى ءى م- ءنىڭ ۇيلەستىرۋ توبى ەكى تاراپتىق ىنتىماقتاستىقتىڭ پارمەندى مەحانيزمى بولىپ تابىلاتىنىن جانە جەدەل-قىزمەتتىك جۇمىستىڭ ءارتۇرلى ماسەلەلەرى بويىنشا شارالار قابىلداۋ جانە جەدەل قاراۋعا كومەكتەسەتىنىن اتاپ ءوتتى.

ءىس-شارا اياسىندا قازاقستان مەن وزبەكستان ءى ءى م بەيىندىك قىزمەت باسشىلارىنىڭ ەكى تاراپتىق كەزدەسۋلەرى وتكىزىلدى.