الماتىدا پارامەن ۇستالعان ەكولوگيا شەنەۋنىكتەرى 265 ميلليون تەڭگە ايىپپۇل تولەيدى

None
استانا. قازاقپارات - الماتىداعى ەكولوگيا باسقارماسىنىڭ ءبىرقاتار لاۋازىمدى تۇلعالارى جەمقورلىق ءۇشىن سوتتالدى، دەپ حابارلايدى قازاقپارات انتيكورعا سىلتەمە جاساپ.

«الماتى قالاسى مەدەۋ اۋدانىنىڭ № 2 سوتىنىڭ ۇكىمىمەن پارا العانى ءۇشىن الماتى قالاسى ەكولوگيا جانە قورشاعان ورتا باسقارما باسشىسى ورىنباسارىنىڭ مىندەتىن ۋاقىتقا اتقارۋشى م. جەكسەمبايەۆقا 96 ميلليون تەڭگە سوماسىندا ايىپپۇل تۇرىندە جازا تاعايىندالدى (پارانىڭ 30 ەسەلەنگەن مولشەرى). پارا بەرگەنى ءۇشىن «ەكوسەرۆيس- س» ج ش س باسشىسى ع. بەركىنبايەۆ پەن «كومپانيا سترويتەكس» جشس باسشىسى ا. ماپايەۆقا سايكەسىنشە 73 ميلليون استام جانە 64 ميلليون تەڭگە سوماسىندا ايىپپۇل سالۋعا ۇكىم شىعارىلدى. پاراقورلىققا دەلدال بولعانى ءۇشىن «Eco Almaty» ج ش س مەنەدجەرى ب. راحىم 32 ميلليون تەڭگە مولشەرىندە ايىپپۇلعا سوتتالدى. سوتتالعاندار ءۇشىن ايىپپۇلدىڭ جالپى ەسەبى 265 ميلليون تەڭگەدەن استام سومانى قۇرادى»، - دەلىنگەن اگەنتتىك حابارلاماسىندا.

اتالعان ادامدار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويى ايىرىلدى.

سونداي- اق ەكولوگيا جانە قورشاعان ورتا باسقارماسىنىڭ لاۋازىمدى تۇلعاسى م. جەكسەمبايەۆ «رەننەسانس پليۋس» ج ش س وكىلى ع. بەركىنبايەۆتان قاتتى- تۇرمىستىق قالدىقتاردى جيناۋ جانە سۇرىپتاۋ ءۇشىن الماتى قالاسىنىڭ تۇرعىن ءۇي كەشەندەرىنىڭ اۋماعىندا جەر ۋچاسكەلەرىن بەرگەنى ءۇشىن 5 ميلليون تەڭگە شاماسىندا اقشالاي قاراجات الدى. م. جەكسەمبايەۆ «كومپانيا سترويتەكس» ج ش س ديرەكتورى ا. ماپايەۆتان الماتى قالاسى ەكولوگيا جانە قورشاعان ورتا باسقارماسىنىڭ اكىمشىلىك عيماراتىنىڭ جسق ازىرلەۋگە بۇرىن جاسالعان مەملەكەتتىك ساتىپ الۋ تۋرالى شارت بويىنشا جالپى قامقورلىعى ءۇشىن دەلدال ب. راحىم ارقىلى 3 ميلليون تەڭگەدەن استام اقشالاي پارا الدى.

ق ر ق ك 41-بابىنا سايكەس ايىپپۇل بەلگىلەنگەن مەرزىمدە تولەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلادى.


سوڭعى جاڭالىقتار