ەكسپورتتالعان قازاقستاندىق ونىمدەر باعاسى 26,7 پايىز تومەندەگەن

نۇر-سۇلتان. قازاقپارات - بيىلعى بەس ايدا (2020-جىلعى مامىر 2019-جىلعى جەلتوقسانعا) ەكسپورتتالاتىن تاۋارلاردىڭ باعاسى 26,7 پايىز تومەندەدى، يمپورت باعاسى 0,9 پايىز جوعارىلادى.

قازاقپارات بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ حابارلايدى.

مالىمەتكە سايكەس، ەكسپورتتىق جەتكىزىلىمدەر باعاسى مۇنايعا- 53,3 پايىز، مىرىشقا - 13,8 پايىز، قورعاسىنعا - 12,3 پايىز، قارا مەتالل يلەگىنە - 7,5 پايىز، مىسقا - 4,3 پايىز، مارگانەتس كەندەرىنە 1,2 پايىز تومەندەگەن.

ال فەرروقورىتپالارعا- 12,2 پايىز، تەمىر كەندەرىنە - 12 پايىز، كومىرگە 1,6 پايىز جوعارىلادى.

باعا جۇنگە 0,1 پايىز تومەندەگەن، ءبيدايعا- 20,6 پايىز، ارپاعا 9,2 پايىز ءوستى.

يمپورتتالاتىن ونىمدەردەن بالىق - 13,3 پايىز، تەمەكى - 12,3 پايىز، قۇس ەتى - 12 پايىز، كاكاو - 8,7 پايىز، كوفە - 6 پايىز، وسىمدىك مايى - نا 3,7 پايىز، قانت 4 پايىز قىمباتتادى.

ال شۇجىق ونىمدەرى - 6,6 پايىز، كوكونىستەر - 5,2 پايىز، جەمىستەر مەن جاڭعاقتار 4,7 پايىز ارزاندادى.

باعا اياق كيىمگە 2,5 پايىز جوعارىلادى، قۇرىلىس ماتەريالدارىنا 2,1 پايىز تومەندەدى.