15:45, 15 - قاڭتار 2021 | GMT +6
يندونەزياداعى جەر سىلكىنىسى: 26 ادام قازا تاۋىپ، 600 دەن استامى زارداپ شەكتى
نۇر-سۇلتان. قازاقپارات - يندونەزيادا وتكەن تاۋلىكتە بولعان بىرنەشە جەر سىلكىنىسىنەن كەم دەگەندە 26 ادام قازا تاپتى.
«سوڭعى دەرەك بويىنشا، 26 ادام قازا تاپقان، ولاردىڭ بارلىعى مامۋدجۋ قالاسىنىڭ تۇرعىندارى»، - دەدى تابيعي اپاتتار سالدارىن جويۋ اگەنتتىگىنىڭ قىزمەتكەرى. سونداي-اق ول قۇرباندار سانىنىڭ ءالى دە ءوسۋى مۇمكىن ەكەنىن جوققا شىعارمادى. ەگەر جاڭا جەراستى دۇمپۋلەرى بۇرىن تىركەلگەندەردەن گورى كۇشتىرەك بولعان جاعدايدا سۋناميدىڭ بولۋ قاۋپى بار. مامۋدجۋ قالاسىنداعى اۋرۋحانا عيماراتىنىڭ ۇيىندىلەرى استىندا 10 نان استام ادام قالىپ قويعان.
اۆتور: زارينا تۋعانبايەۆا