استاناداعى سۋ تاپشىلىعى - تاۋلىگىنە 25 مىڭ تەكشە مەتر
«ەلوردا تۇرعىندارىنا سۋ استانا سۋ قويماسىنان جىبەرىلەدى، وندا تاۋلىگىنە قۋاتى 305 مىڭ تەكشە مەتر بولاتىن ەكى سۋ سورعى ستانتسياسى جۇمىس ىستەيدى. جالپى 2026-جىلدىڭ سوڭىنا دەيىن سۋ ماسەلەسىن تولىق شەشەدى. وعان قوسا، استانا اكىمدىگىمەن بىرلەسىپ، ءتورتىنشى سۋ سورعىسىن ستانتسياسىن سالۋ جوسپارلانعان»، - دەدى ءا. پازىلبەك ۇلى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
قازىر ەلوردا تۇرعىندارىن ۇزدىكسىز سۋمەن جابدىقتاۋ ءۇشىن جالپى قۇنى 59 ميلليارد تەڭگەنى، قۋاتى 105 مىڭ تەكشە مەتردى قۇرايتىن جاڭا سورعى-سۇزگى ستانتسياسىن سالۋ جوباسى ىسكە اسىپ جاتىر.
«سەبەبى، بۇگىندە ەلوردادا تاۋلىگىنە 25 مىڭ تەكشە مەتردەن استام اۋىز سۋ تاپشىلىعى بار. وسىعان بايلانىستى كەيبىر اۋدانداردا بەرىلەتىن سۋ قىسىمىنىڭ تومەندەۋى بايقالادى. بيىل جوبانى اياقتاۋعا رەسپۋبليكالىق بيۋدجەتتەن 27 ميلليارد تەڭگە ءبولىندى. ونى جىلدىڭ ەكىنشى جارتىجىلدىعىندا اياقتاۋ ويدا بار»، - دەدى ازىمبەك پازىلبەك ۇلى.
بۇعان دەيىن سپيكەر قازاقستان حالقىنىڭ %96 اۋىز سۋمەن قامتىلعانىن، 2025-جىلى بۇل كورسەتكىش %100 جەتەتىنىن ايتقان ەدى.
سونىمەن بىرگە، بيىل حالىقتى سۋمەن جابدىقتاۋ جۇمىستارىنا ەل بيۋجەتىنەن 280 ميلليارد تەڭگە بولىنگەن.