تۇركىستاندىق تەرگەۋشىلەر 25 جىل بۇرىن ءىز- ءتۇسسىز كەتكەن شەتەلدىك قىزدى جاقىندارىمەن قاۋىشتىردى
وتكەن جىلدىڭ ناۋرىز ايىندا تۇركىستان وبلىسى سارىاعاش اۋداندىق پوليسيا بولىمىنە كورشىلەس قالاداعى پوليتسيا بولىمىنەن وزبەكستان رەسپۋبليكاسىنىڭ ازاماتى، ياعني ءۇي- كۇيسىز (اتى- ءجونى بەلگىسىز، قۇجاتسىز) جۇرگەن 40 تان اسقان ايەلدىڭ ءىسى كەلىپ تۇسكەن. وندا شىمكەنت قالاسىنداعى داعدارىس ورتالىعىنا تۇسكەن وزبەكستاندىق ايەل سارىاعاش اۋدانىندا پريتوندا سەكسۋالدىق قۇلدىقتا بولعانىن، 10 جاسىندا اكە- شەشەسى وزبەكستان رەسپۋبليكاسىنا بەلگىسىز بىرەۋلەرگە ساتىپ جىبەرگەنىن ايتقان.
وسى ءىس بويىنشا سارىاعاشتىق پوليتسەيلەر جان- جاقتى تەرگەۋ ارەكەتتەرىن جۇرگىزدى. سول جىلدىڭ قاراشاسىندا ءىس تۇركىستان وبلىسى پ د- نىڭ وندىرىسىنە قابىلداندى. تەرگەۋ بارىسىندا سوت- مەديتسينالىق، سوت- پسيحياتريالىق ساراپتامالارى تاعايىندالدى. ونىڭ جاقىن تانىستارىنان جاۋاپ الىندى. وسىدان سوڭ جەلتوقسان ايىندا ق ر ءى ءى م ارقىلى وزبەكستان رەسپۋبليكاسىنا جابىرلەنۋشىنىڭ جەكە باسىن انىقتاۋ مەن وعان قاتىستى شىنىندا ادام ساۋداسى قىلمىسى ورىن العان نەمەسە الماعاندىعىن انىقتاۋ ءۇشىن حالىقارالىق تاپسىرما جولداندى.
پوليسيا دەپارتامەنتىمەن جۇرگىزىلگەن جۇيەلى جۇمىس ناتيجەسىندە دەپارتامەنت قىزمەتكەرلەرى وزبەكستان رەسپۋبليكاسى قاشقاداريا وبلىسى شاھريسابز اۋدانى سارچاشما اۋىلىنان جابىرلەنۋشىنىڭ اكە- شەشەسى، تۋعان- تۋىستارىن انىقتاپ، ولارمەن كەزدەسۋ جۇمىستارىن جۇرگىزدى. تۇركىستان وبلىسى پوليتسيا دەپارتامەنتىنىڭ پوليتسەيلەرى ايەلدىڭ زاڭدى تۇردە قۇجاتتانۋى ءۇشىن قاجەتتى شارالاردىڭ بارلىعىن اتقارىپ، جەكە كۋالىگى مەن ءتولقۇجاتىن الۋعا ىقپال ەتتى. قازىرگى تاڭدا جابىرلەنۋشىنىڭ ءوز ەلىنە ورالۋىنا جاعداي جاسالىپ جاتىر.
انىقتالعانداي، جابىرلەنۋشى 17 جاسىندا ۇيىنەن كەتىپ قالعان. ال جابىرلەنۋشىنىڭ قۇلدىقتا بولدىم، اكە- شەشەم ساتىپ جىبەرگەن دەگەن ۋاجدەرى دالەلىن تاپپاي ق ر ق پ ك- ءنىڭ 35-بابىنىڭ 1-بولىگىنىڭ 2-تارماعىمەن توقتامعا الىندى.