قازگيدرومەتتىڭ 25-قىركۇيەك كۇنگى اۋا رايىنا جاساعان بولجامى

استانا. قازاقپارات - قازگيدرومەت قازاقستان ايماقتارىندا 24-قىركۇيەكتە بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى، دەپ حابارلايدى قازاقپارات.

ق ر اۋماعىنىڭ باسىم بولىگى ءالى دە، اۋقىمدى انتيسيكلوننىڭ ىقپالىندا بولعاندىقتان، جاۋىن- شاشىنسىز اۋا رايى ساقتالادى. اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باتىسىندا، وڭتۇستىك- شىعىستاعى تاۋلى اۋداندارىندا نايزاعاي ويناپ، جاڭبىر جاۋادى. رەسپۋبليكا بويىنشا جەلدىڭ كۇشەيۋى كۇتىلەدى.

قىزىلوردا، تۇركىستان، جامبىل وبلىستارىنىڭ باسىم بولىگىندە، اقتوبە وبلىسىنىڭ وڭتۇستىگىندە، شىعىسىندا، اباي وبلىسىنىڭ سولتۇستىك- باتىسىندا، سولتۇستىگىندە، شىعىسىندا، پاۆلودار وبلىسىنىڭ ورتالىعىندا، قاراعاندى وبلىسىنىڭ شىعىس جارتىسىندا، ۇلىتاۋ وبلىسىنىڭ وڭتۇستىگىندە، شىعىسىندا توتەنشە ءورت قاۋپى ساقتالادى. قوستاناي وبلىسىنىڭ باسىم بولىگىندە، الماتى وبلىسىندا جوعارى ءورت قاۋپى ساقتالادى.