11:49, 04 - قىركۇيەك 2022 | GMT +6
وتباسىنا قايتالاپ ءزابىر كورسەتكەندەر 25 تاۋلىككە دەيىن قامالادى
نۇر- سۇلتان. قازاقپارات - زاڭناماعا «وتباسى- تۇرمىستىق قاتىناستاعى ادامعا قاتىستى زورلىق- زومبىلىق» دەگەن ۇعىم ەنگىزىلەدى، دەپ حابارلايدى قازاقپارات ءتىلشىسى.
بۇل تۋرالى ۇكىمەت وتىرىسىندا ىشكى ىستەر ءمينيسترى مارات احمەتجانوۆ ءمالىم ەتتى.
«وتباسىلىق- تۇرمىستىق سالاداعى زورلىق- زومبىلىق ءۇشىن جاۋاپكەرشىلىكتى قاتاڭداتۋ باعىتىندا قىلمىستىق قۇقىق بۇزۋشىلىقتار ساناتىنا «وتباسى- تۇرمىستىق قاتىناستاعى ادامعا قاتىستى» دەگەن قوسىمشا سارالاۋدى ەنگىزۋ قاجەت»، - دەدى مينيستر.
ايتۋىنشا، وتباسىنا ءزابىر كورسەتكەن ادامعا قولدانىلاتىن اكىمشىلىك جازانىڭ مەرزىمى ۇزارتىلماق.
«وسىنداي قىلمىس بويىنشا قاماۋعا الۋ مەرزىمىنىڭ تومەنگى شەگىن 5 تاۋلىكتەن بەلگىلەۋ، سونداي- اق قايتالانعان جاعدايدا قاماۋعا الۋ مەرزىمىن 25 تاۋلىككە دەيىن (بۇعان دەيىن 20 تاۋلىك بولعان) ۇلعايتۋ جوسپارلانۋدا»، - دەدى مارات احمەتجانوۆ.
اۆتور
ەسىمجان ناقتىباي