08:32, 12 - تامىز 2022 | GMT +6
اباي اتىنداعى مەملەكەتتىك سىيلىققا ۇسىنىلعان 25 جۇمىس قارالدى
نۇر- سۇلتان. قازاقپارات - اباي اتىنداعى ادەبيەت پەن ونەر سالاسىنداعى مەملەكەتتىك سىيلىقتى بەرۋ جونىندەگى كوميسسيانىڭ العاشقى وتىرىسى ءوتتى.
بۇل تۋرالى مەملەكەتتىك كەڭەسشى ەرلان قارين الەۋمەتتىك جەلىدە جازدى، دەپ حابارلايدى قازاقپارات.
«بۇگىن قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىقتى بەرۋ جونىندەگى كوميسسيانىڭ العاشقى وتىرىسىن وتكىزدىك. كوميسسيا مۇشەلەرى ادەبيەت، كينو، تەاتر، مۋزىكا، ساۋلەت جانە بەينەلەۋ ونەرى سالالارى بويىنشا مەملەكەتتىك سىيلىققا ۇسىنىلعان 25 جۇمىستى قارادى. جاسىرىن داۋىس بەرۋ قورىتىندىسى بويىنشا كونكۋرستىق ىرىكتەۋدىڭ كەلەسى كەزەڭىنە وتكەن ۇمىتكەرلەر انىقتالدى»، - دەدى ە. قارين.