جەل، شاڭدى داۋىل، ۇسىك: 25- قىركۇيەككە ارنالعان اۋا رايى بولجامى

None
None
نۇر-سۇلتان. قازاقپارات - «قازگيدرومەت» سينوپتيكتەرى 25- قىركۇيەك ەل اۋماعىندا اۋا رايى قانداي بولاتىنىن جاريالادى، دەپ حابارلايدى قازاقپارات.

قازاقستاننىڭ باسىم بولىگىندە انتيتسيكلون اسەرىنەن جاۋىن-شاشىن جاۋمايدى. تەك ەلدىڭ باتىسىندا، سولتۇستىك-باتىسىندا، سولتۇستىك-شىعىسىندا فرونتتاردىڭ ىقپالىمەن تۇراقسىز اۋا رايى ساقتالادى، جاڭبىر جاۋادى.

قازاقستاننىڭ باتىسىندا، وڭتۇستىگىندە، ورتالىعىندا جەل كۇشەيەدى. ال وڭتۇستىك-باتىسىندا شاڭدى داۋىل سوعادى. رەسپۋبليكانىڭ سولتۇستىگىندە تۇمان باقىلانادى.

كۇندىز الماتى وبلىسىنىڭ جالاڭاشكول اۋدانىندا جەل قارقىنى 15-20 م/س دەيىن كۇشەيەدى.

جامبىل وبلىسىنىڭ سولتۇستىك- شىعىسىندا، تۇركىستان وبلىسىنىڭ تاۋلى اۋداندارىندا جانە باتىسىندا، قىزىلوردا وبلىسىنىڭ تۇندە ورتالىعىندا، كۇندىز باسىم بولىگىندە، اتىراۋ وبلىسىنىڭ سولتۇستىگىندە جانە شىعىسىندا، باتىس قازاقستان وبلىسىنىڭ وڭتۇستىگىندە، ورتالىعىندا جانە سولتۇستىك-شىعىسىندا، اقتوبە وبلىسىنىڭ تۇندە باتىسىندا، كۇندىز باسىم بولىگىندە، كۇندىز قاراعاندى وبلىسىنىڭ باتىسىندا جانە وڭتۇستىگىندە جەل ەكپىنى 15-20 م/س جەتەدى.

قىزىلوردا وبلىسىندا شاڭدى داۋىل تۇرادى.

ماڭعىستاۋ وبلىسىنىڭ باتىسىندا، سولتۇستىك-باتىسىندا جانە سولتۇستىك-شىعىسىندا سەكۋندىنا 15-23 مەتر جىلدامدىقپەن كۇشتى جەل سوعادى.

تۇندە جانە تاڭەرتەڭ اقمولا وبلىسىنىڭ شىعىسىندا، سولتۇستىك قازاقستان وبلىسىنىڭ سولتۇستىك-باتىسىندا، پاۆلودار وبلىسىنىڭ وڭتۇستىگىندە تۇمان تۇسەدى.

تۇندە الماتى وبلىسىنىڭ سولتۇستىگىندە، تاۋلى اۋداندارىندا 1-3 گرادۋس ۇسىك جۇرەدى.

جامبىل وبلىسىنىڭ تاۋلى ايماقتارىندا توپىراق بەتىندە 1-3 گرادۋس ۇسىك جۇرەدى.

سوڭعى جاڭالىقتار