تۋريستىك مەكەمەلەرگە اۆتوبۋس ساتىپ العانى ءۇشىن 25 پايىز سۋبسيديا بەرىلەدى
مۇنداي سۋبسيديا ەلدەگى تۋريستىك قىزمەتتىڭ ساپاسىن ارتتىرۋ ءۇشىن قولعا الىنىپ وتىر. «تۋريستىك قىزمەت كورسەتۋ كەزىندە پايدالانىلاتىن كولىك قۇرالدارىن جاڭارتۋ ماقساتىندا تۋريستىك سىنىپتاعى اۆتوكولىكتى ساتىپ الۋ بويىنشا شىعىنداردى وتەۋ كوزدەلىپ وتىر. وتەۋ كولەمى كولىك قۇنىنىڭ %25 ىن قۇرايدى. سۋبسيديا 8 جولاۋشىعا ارنالعان ميكرواۆتوبۋستار مەن اۆتوبۋستار ساتىپ الۋعا باعىتتالادى. سول ارقىلى سەرۆيس ساپاسىن ارتتىرۋ جانە دەمالىستىڭ ۇيىمداستىرىلعان ءتۇرىن ىنتالاندىرۋ كوزدەلىپ وتىر»، - دەدى تۋريزم يندۋسترياسى كوميتەتىنىڭ ءتوراعاسى داستان رىسپەكوۆ وراتلىق كوممۋنيكاتسيالار قىزمەتىندە.
كوميتەت باسشىسى اتالمىش سۋبسيديا تەك تۋرسيتىك قىزمەتكە مامانداعان نىساندارعا تولەنەتەنىن ەسكەرتتى.
«بۇل رەتتە وسى كولىك قۇرالدارىن ادەتتەگى قالالىق جانە قالاارالىق مارشرۋتتاردا پايدالانباس ءۇشىن سۋبسيديا تۋريستىك قىزمەتكە ماماندانعان كاسىپكەرلىك نىساندارىنا عانا قولدانىلادى. بۇل - تۋروپەراتورلار مەن تۋراگەنتتەر، قوناق ۇيلەر، دەمالىس بازالارى مەن ساناتوريلەر دەگەن ءسوز»، - دەدى داستان رىسپەكوۆ.