قار، بوران، جەل: 25- اقپانعا ارنالعان اۋا رايى بولجامى
قازاقستان اۋماعىنىڭ باسىم بولىگىندە فرونتتاردىڭ اسەرىنەن تۇراقسىز اۋا رايى ساقتالادى. ەلىمىزدىڭ وڭتۇستىگىندە، وڭتۇستىك-شىعىسىندا تۇندە قاتتى قار جاۋادى، تەك باتىسىندا انتيتسيكلون ىقپالىمەن جاۋىن-شاشىن جاۋمايدى. رەسپۋبليكانىڭ كەي جەرلەرىندە تۇمان تۇسەدى، كوكتايعاق پەن بۇرقاسىن بولادى. جەل كۇشەيەدى.
ەلدىڭ وڭتۇستىك- شىعىسىندا جەل ەكپىنى 30 م/س جەتەدى جانە ودان اسادى.
جامبىل، تۇركىستان وبلىستارىنىڭ كەي جەرلەرىندە - تۇمان، كوكتايعاق، بۇرقاسىن. جەل قارقىنى 23-28 م/س دەيىن كۇشەيەدى. جامبىل وبلىسىنىڭ وڭتۇستىك- باتىسىندا جەل جىلدامدىعى - 30 م/س جانە ودان اسادى. الماتى وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى، بوران سوعادى. جەلدىڭ كۇشى - 25 م/س.
پاۆلودار وبلىسى، تۇندە جانە تاڭەرتەڭ قىزىلوردا وبلىسىنىڭ كەي جەرلەرىندە بۇرقاسىن سوعادى.
جەل ەكپىنى 25 م/س جەتەدى. قوستاناي، قاراعاندى، شىعىس قازاقستان وبلىستارىنىڭ كەي جەرلەرىندە تۇمان تۇسەدى، جاياۋ بۇرقاسىن سوعادى. جەل قارقىنى - 15-20 م/س.
شىعىس قازاقستان وبلىسىندا جەلدىڭ جىلدامدىعى 23-28 م/س بولادى.
اقمولا، سولتۇستىك قازاقستان وبلىستارىنىڭ كەي جەرلەرىندە بوران سوعادى. جەلدىڭ كۇشى - 15-20 م/س.
اقتوبە وبلىسىنىڭ كەي جەرلەرىندە تۇمان ءتۇسىپ، تۇندە جاياۋ بۇرقاسىن كوتەرىلەدى. ماڭعىستاۋ وبلىسىنىڭ كەي جەرلەرىندە تۇمان تۇسەدى.