پرەزيدەنت تاپسىرماسى: پەداگوگتەردىڭ جالاقىسى 25 پايىزعا ءوستى
ەستە بولسا وتكەن جىلى پرەزيدەنت تاپسىرماسىمەن پەداگوگتەردىڭ جالاقىسى 25 پايىزعا ۇلعايتىلعان بولاتىن. ەندى مىنە، بۇگىننەن باستاپ پەداگوگتەر ايلىعى تاعى 25 پايىزعا كوبەيىپ وتىر.
تەك قانا مەكتەپ مۇعالىمدەرىنىڭ عانا ەمەس بالاباقشا پەداگوگتەرىنىڭ، قوسىمشا ءبىلىم بەرۋ، كوللەدجدەر مەن جوعارى وقۋ ورىندارىنىڭ ماماندارىنىڭ دا ەڭبەكاقىلارى كوبەيىپ جاتىر.
سونىمەن قاتار مۇعالىمدەر بىلىكتىلىك ساناتىنا قاراي ەڭبەكاقىنىڭ 30 دان 50 پايىزعا دەيىنگى كولەمىن قوسىمشا الا الادى.
ءوز ءىسىنىڭ شەبەرى بولسا، اي سايىن ەڭبەكاقىعا قوسىمشا 50 پايىز تولەم الىپ وتىرۋعا دا بولادى. ءپاندى اعىلشىن تىلىندە جۇرگىزگەنى ءۇشىن، داپتەر تەكسەرگەنى ءۇشىن، سىنىپ جەتەكشىلىگى ءۇشىن دە قوسىمشا اقى تولەنەدى.
مۇنان بولەك، وتكەن جىلدان باستاپ ماگيسترلىك دارەجەسى بار مۇعالىمدەرگە 27 مىڭ تەڭگە كولەمىندە قوسىمشا تولەم بەرىلە باستادى.