اۋىل ايەلدەرىنىڭ 25 پايىزى بالا باعىپ، ۇيىندە وتىر – ستاتيستيكا
«بىرىككەن ۇلتتار ۇيىمى مالىمەتىنە سايكەس ايەلدەردىڭ قوعامداعى ءرولى ەكولوگيالىق پروبلەمالاردان كەيىن ەكىنشى تۇرعان ماسەلە ەكەن. مەملەكەتىمىزدە شىعىس ەلدەرىنە ءتان تۇسىنىك باسىم بولعاندىقتان ايەلدەر قاۋىمى تەك وتباسىندا عانا بەلسەندى بولۋ كەرەك دەگەن ۇعىم بار. ارينە، ءبىر قولىمەن الەم تەربەتكەندەردىڭ قوعام قالىپتاستىرۋدا ورنى ەرەكشە ەكەندىگىن ەسكەرسەك، ايەلدەردى ساياساتقا دا، ەكونوميكاعا دا بەلسەنە قاتىسۋعا كەيدە قيمايمىز. دەسە دە، قازىرگى زاماننىڭ تالابى باسقا. ايەلدەر ەرلەرگە قاراعاندا جاناشىرلىق پەن تازالىققا ءبىرتابان جاقىن تۇرادى. ال سول ايەل قاۋىمىنا مەملەكەت تاراپىنان قانشالىقتى جاعداي جاسالعان؟ « دەپ جازادى پارتيا رەسمي Instagram پاراقشاسىندا.
پارتيا وسى ماسەلەگە وراي ەلىمىزدەگى ستاتيستيكانى جاريالادى. وندا اۋىل ايەلدەرىنىڭ جۇمىسپەن قامتىلۋ كورسەتكىشى ەرەكشە نازارعا الىنعان. وعان سەنسەك، اۋىل ايەلدەرىنىڭ باسىم كوپشىلىگى، ياعني 25,1 پايىزى - ءۇي شارۋاسىنداعى انالار. 22,9 پايىزى بيۋدجەتتىك جۇيىمدا جۇمىس ىستەيدى.