25 - قىركۇيەك. قازاقپارات كۇنتىزبەسى
ەستە قالار وقيعالار 1928 -جىلى قىزىلوردادا «لەنينسكايا سمەنا» جاستار گازەتىنىڭ (قازىرگى «ەكسپرەسس- ك» رەسپۋبليكالىق گازەتى) العاشقى سانى جارىق كوردى.
1937 -جىلى الماتىدا قالالىق حايۋاناتتار باعى اشىلدى. قازىر حايۋاناتتار باعىندا 3 مىڭنان استام جانۋار مەن قۇستاردىڭ 500 ءتۇرى بار. ول قالا قوناقتارى مەن تۇرعىندارىنىڭ دەمالاتىن جانە كوز تارتاتىن ورىندارىنىڭ بىرىنە اينالدى.
1947 -جىلى وسكەمەن مىرىش زاۋىتى ىسكە قوسىلدى.
2005 -جىلى شىمكەنت ارحەولوگتارى وڭتۇستىك قازاقستاننىڭ ورداباسى اۋدانىندا كونە جازبا ەسكەرتكىشتەرىنىڭ بولشەكتەرىن تاپتى. عالىمداردىڭ پايىمداۋىنشا، بۇل جادىگەرلەر ءبىزدىڭ داۋىرىمىزدەگى I- VI عاسىرلاردان جەتىپ وتىر. سول داۋىردە ەجەلگى شىعىس مەملەكەتتەرىندە قىش تاقتالارعا جازۋ ءتاسىلى كەڭىنەن تاراعان. «ميراس» ۋنيۆەرسيتەتىنىڭ ارحەولوگيالىق وتريادى كۇيدىرىلگەن قىش تاقتاسىن ارىس وزەنى القابىندا ورنالاسقان قىلىمجار دەگەن جەردەگى كونە قونىستان تاپتى. تابىلعان قىش تاقتادا ءتورت قاتار ەتىپ جازىلعان 15 تاڭبا انىق كورىنەدى.
2012 -جىلى مەملەكەت باسشىسىنىڭ شەشىمدەرى مەن ماڭىزدى وقيعالار تۋرالى جەدەل اقپاراتتاندىرۋ ماقساتىندا AkordaPress سايتىندا قازاقستان پرەزيدەنتى باسپا ءسوز قىزمەتىنىڭ تۆيتتەر- اككاۋنتى (twitter.com/AkordaPress) اشىلدى، وندا پرەزيدەنتتىڭ قاتىسۋىمەن وتەتىن شارالاردىڭ اڭداتپاسى جاريالانادى. مەملەكەت باسشىسىنىڭ رەسمي سايتى جانە پرەزيدەنتتىڭ باسپا ءسوز قىزمەتىنىڭ تۆيتتەر- اككاۋنتى مەملەكەت باسشىسى جانە پرەزيدەنت اكىمشىلىگى قىزمەتى تۋرالى اقپاراتتاردىڭ تەڭ دارەجەدەگى جانە بىردەن- ءبىر رەسمي كوزدەرى.
2012 -جىلى «قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى تۋرالى» 1993 -جىلعى 8 -جەلتوقسانداعى زاڭىنا سايكەس الماتى قالاسىنىڭ اۋماعى وزگەرتىلدى. ونىڭ قۇرامىنا الماتى وبلىسىنا قاراستى 11 920,93 گەكتار جەردىڭ، سونىڭ ىشىندە 8 360,52 گەكتارى قاراساي اۋدانىنا جانە 3 560,41 گەكتارى تالعار اۋدانىنا تيەسىلى ءبىر بولىگى ەنگىزىلدى.
2013 -جىلى ۇلتتىق تاريحتى زەردەلەۋ جونىندەگى ۆەدومستۆوارالىق جۇمىس توبىنىڭ Ⅲوتىرىسى كەزىندە قازاقستاننىڭ كونە داۋىرىنەن بۇگىنگە دەيىنگى ۇلتتىق تاريحىنا ارنالعان جاڭا انىقتامالىق- اقپاراتتىق ءبىلىم بەرەتىن «قازاقستان تاريحى» e-history.kz ۆەب- پورتالى تانىستىرىلدى.
2013 -جىلى «ماڭگى ەل» حالىقارالىق عىلىمي- كوپشىلىك تاريحي جۋرنالىنىڭ العاشقى ءنومىرى جارىققا شىقتى. ونىڭ اۋديتورياسى ءوز وقىرماندارىمىز بەن شەكتەلمەي الىس جانە شەتەلدەردىڭ كوزىقاراقتى قاۋىمىن قامتيدى. ياعني، قازاق تاريحىنا قىزىعاتىن پلانەتانىڭ كەز كەلگەن ادامىنىڭ يگىلىنە اينالادى.
2015 -جىلى جاس گەولوگتار انەل تىنىسبەك، قالامقاس جاعىپاروۆا جانە ارۋجان نۇرۇللا سان- پاۋلودا (برازيليا) وتكەن جەر عىلىمى بويىنشا (International Earth Science Olympiad - IESO) حالىقارالىق وليمپيادادا جۇلدەلى ورىندار الدى. وعان 20 ەلدىڭ مىڭنان استام جاس گەولوگتارى قاتىستى.
2015 -جىلى ق ر ۇلتتىق ارحيۆىندە قازاق مەملەكەت جانە قوعام قايراتكەرى، ويشىل، عالىم مۇستافا شوقايدىڭ 125 جىلدىعىنا ارنالعان «مۇستافا شوقاي: الاش ارىسى» ارحيۆتىك قۇجاتتار كورمەسىنىڭ اشىلۋى ءوتتى.
2019 -جىلى مونرەال قالاسىندا (كانادا) قازاقستان حالىقارالىق ازاماتتىق اۆياتسيا ۇيىمىنىڭ (ICAO) مەرەيتويلىق اسسامبلەياسىندا 190-نان استام ەلدىڭ اراسىندا العاش رەت ICAO كەڭەسى پرەزيدەنتى اتىنان اۆياتسيالىق قاۋىپسىزدىك جونىندەگى سەرتيفيكاتتى تاپسىرۋعا ۇسىنىلدى. بۇل سەرتيفيكات ICAO- نىڭ «No Country Left Behind» (بىردە- ءبىر ەل نازاردان تىس قالمايدى) جاھاندىق باستاماسىن قولداۋ ماقساتىندا تاعايىندالدى. مۇنداي ماراپات ءۇشىن ەلدەردى ىرىكتەۋ كريتەرييلەرى ICAO- نىڭ ارنايى كوميسسياسى ايقىندايتىن باعالاۋدىڭ اۆياتسيالىق قاۋىپسىزدىكتى قامتاماسىز ەتۋدى دامىتۋ سالاسىنداعى مەملەكەت قىزمەتىنىڭ سوڭعى جىلدارداعى ناتيجەلەرىنە نەگىزدەلگەن.