باتىس قازاقستاندا بۇرالقى يتتەر 25 قويدى قىرىپ كەتتى

ورال. قازاقپارات - باتىس قازاقستان وبلىسىندا بۇرالقى يتتەر 25 قويدى قىرىپ كەتتى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆ ءمالىم ەتكەنىندەي، وقيعا اقجايىق اۋدانى تايپاق اۋىلىندا بولدى.

2- قىركۇيەك كۇنى تاڭعى ساعات 07.00 شاماسىندا اۋىل شەتىندە تۇراتىن ەكى تۇرعىننىڭ، ءبىرىنىڭ 18، ەكىنشىسىنىڭ 7 قويىن يتتەر ءولتىرىپ كەتكەن.

ءيتتىڭ يەسى انىقتالعان جاعدايدا حاتتاما تولتىرىلادى. وتكەن جىلدان بەرى بۇرالقى يتتەردى اتۋعا تىيىم سالىنعانى بەلگىلى.

قازىرگى ۋاقىتتا، اسىرەسە، اۋىلدىق جەرلەردە بۇرالقى ءيت، مىسىقتاردىڭ كوبەيۋى كۇردەلى ماسەلەگە اينالىپ وتىر.