قازاقستاندىق 25 فۋتبولشىنىڭ كوروناۆيرۋس جۇقتىرعانى راس پا؟
«1- شىلدەدە فۋتبولدان ەل بىرىنشىلىگى جالعاسادى. سوندىقتان تالاپقا سايكەس «قايسار» فۋتبول كلۋبى وتكەن سارسەنبىدە تەست تاپسىرعان بولاتىن. تەست ناتيجەسىمەن كەيبىر فۋتبولشىلاردان وڭ ناتيجە انىقتالدى. بۇگىن كوماندا ەكىنشى مارتە قايتا سىنامادان ءوتتى. تەست ناتيجەسى بارلىعىندا دا تەرىس ناتيجەنى كورسەتتى. فۋتبولشىلاردىڭ دەنساۋلىعى قالىپتى جاعدايدا. ويىنشىلار الداعى كەزدەسۋگە دايىندىعىن جۇرگىزۋدە»، - دەپ ءمالىم ەتتى «قايسار» باسشىلىعى.
بۇدان بۇرىن «قايسار» فۋتبول كلۋبىنىڭ باس جاتتىقتىرۋشىسى ستويچو ملادەنوۆ كوماندانىڭ 25 ويىنشىسى كوروناۆيرۋسكە شالدىققانىن ايتقان بولاتىن.
ەستەرىڭىزگە سالا كەتەلىك، 1- شىلدەدە ەل بىرىنشىلىگى جالعاسادى. بۇل تۋردا «قايسار» ءوز الاڭىندا «تاراز» كومانداسىن قابىلدايدى. سونداي-اق، اتالعان تۋردا «توبىل» مەن «كاسپي»، «قىزىلجار» مەن «وقجەتپەس»، «قايرات» پەن «جەتىسۋ»، «ورداباسى» مەن «شاحتەر» كوماندالارى كەزدەسەدى.