ۆەنەتسيانىڭ 25 پروتسەنتى سۋ استىندا قالدى

نۇر-سۇلتان. قازاقپارات - ماۋسىم ايىنداعى سۋدىڭ كۇرت كوتەرىلۋىنەن ۆەنەتسيانىڭ 25 پروتسەنتى سۋ استىندا قالدى.

قالانىڭ كەي جەرلەرىندە سۋ دەڭگەيى 116 س م جەتكەن، دەپ حابارلايدى AP اگەنتتىگى. ۆەنەتسيانىڭ ەڭ ايگىلى اۋليە مارك الاڭى دا سۋ استىندا قالدى. تەڭىزدى مونيتورينگتەۋ اگەنتتىگى شەكتەن تىس سۋدىڭ كوتەرىلۋى اتلانتيكاداعى تەڭىز داۋىلى اسەرىنەن ەكەندىگىن ايتىپ وتىر.

وسى داۋىل يتاليانىڭ سولتۇستىگىندە كۇشتى جەلدىڭ تۇرۋىنا جانە نوسەر جاڭبىردىڭ جاۋۋىنا دا سەبەپشى بولدى. La Stampa باسىلىمىنىڭ اتاپ وتۋىنشە، ماۋسىم ايىندا سۋدىڭ كۇرت كوتەرىلۋى وتە سيرەك جاعداي. سوڭعى 20 جىلدا بۇل سۋدىڭ ەكىنشى رەت تاسۋى.

سۋدىڭ ماۋسىم ايىندا ەڭ جوعارى كوتەرىلۋى 2002 -جىلى تىركەلگەن. وندا سۋ دەڭگەيى 121 س م جەتكەن.