بلوگەر رۋسلان جەنپەيىسوۆ 25 تاۋلىككە قاماۋعا الىندى
شىمكەنت قالالىق پوليتسيا دەپارتامەنتىنەن ءمالىم ەتكەندەي، 12- ءساۋىر كۇنى شىمكەنت قالاسىنداعى «كاپال باتىر» كوپىرىنىڭ جانىنداعى بلوكپوستتا پوليتسەيلەر توقتاتقان كولىكتەردىڭ اراسىندا «Opel» اۆتوماشيناسى بولعان.
كارانتين كەزىندە قالادا ءجۇرىپ-تۇرۋعا رۇقسات قۇجاتتارىن تەكسەرۋ بارىسىندا جۇرگىزۋشى بيبارىس رايىمبەكوۆ (رۋسلان جانپەيىسوۆ ەسىمىمەن تانىمال بلوگەر) «Adil Stroi Project» ج ش س- دا زاڭگەر بولىپ جۇمىس ىستەيتىنى تۋرالى انىقتاما ۇسىنعان.
«ونىڭ سوزىنشە، سول انىقتاما نەگىزىندە پوليتسەيلەر ونى كەدەرگىسىز وتكىزۋى ءتيىس بولعان. ونىمەن بىرگە، انىقتالعانداي، اتالمىش ج ش س قازىرگى ۋاقىتتا قالا ىشىندە ەشقانداي جۇمىستار اتقارىپ جاتقان جوق. ازاماتتارعا، سونىڭ ىشىندە ىشكى ىستەر ورگاندارىنا زاڭدى ساقتاۋ قاجەتتىگىن ايتىپ جۇرەتىن بلوگەر تەكسەرىس بارىسىندا قۇقىقتىق ءتارتىپتى بۇزۋعا ارەكەتتەندى. ول قۇجاتتار تەكسەرىلگەننەن كەيىن دە پوليتسيا قىزمەتكەرلەرىنىڭ جۇمىسىنا كەدەرگى كەلتىرۋدى جالعاستىردى. ۆيدەو جازىپ، الەۋمەتتىك جەلىلەردە ترانسلياتسيا جۇرگىزدى. سولايشا، ولاردىڭ بلوكپوستتاعى جۇمىستارىنا كەدەرگى جاسادى»، - دەدى پوليتسيا.
بيبارىس رايىمبەكوۆكە قاتىستى ق ر اكىمشىلىك قۇقىقبۇزۋشىلىق تۋرالى كودەكستىڭ 476- (توتەنشە جاعداي رەجيمىن بۇزۋ) جانە 478-باپتارىنا (توتەنشە جاعداي كەزىندە قۇقىقتىق ءتارتىپتى بۇزۋعا اكەپ سوعاتىن ارەكەت جاساۋ) سايكەس اكىمشىلىك حاتتامالار تولتىرىلدى.
«14- ءساۋىر كۇنى ۆيدەوكونفەرەنتسيا تۇرىندە وتكەن سوت پروتسەسىندە ت ج رەجيمىن بۇزۋشىعا 10 تاۋلىككە اكىمشىلىك قاماۋعا الۋ تاعايىندالدى. سونداي-اق سوت انىقتاعانداي، ازامات رايىمبەكوۆ توتەنشە جاعدايدىڭ ەنگىزىلۋىنە بايلانىستى قۇقىققورعاۋ ورگاندارى قىزمەتكەرلەرىنىڭ تاراپىنا ءوزىنىڭ نارازىلىق سوزدەرىن ءبىلدىرىپ، ءىس-ارەكەتىمەن قۇقىقتىق ءتارتىپتى بۇزۋعا ارەكەتتەندى. تىكەلەي ەفيردەگى ترانسلياتسيادا ءوزىنىڭ نەگاتيۆتى پىكىرلەرىن بىلدىرە وتىرىپ، توتەنشە جاعداي رەجيمى جاريالانعان ەلدىمەكەندە قىزمەتتىك مىندەتتەرىن اتقارىپ جاتقان لاۋازىمدىق تۇلعالارعا قارسىلىق ءبىلدىردى. وسىعان وراي، وعان 25 تاۋلىككە اكىمشىلىك قاماۋعا الۋ تاعايىندالدى»، - دەدى دەپارتامەنتتەن.