ديماشتىڭ بەينەبايانى ت و پ 25 قاتارىنا كىردى

نۇر-سۇلتان. قازاقپارات - ديماش قۇدايبەرگەننىڭ «قالجىراعان اققۋلاردىڭ سەزىمى» (ليۋبوۆ ۋستاۆشيح لەبەدەي) انىنە تۇسىرىلگەن بەينەبايانى ۇزدىكتەر قاتارىنا كىردى، دەپ حابارلايدى قازاقپارات.

«رەسەيدىڭ مۋزتۆ ارناسى 2019-جىلدىڭ «100 ۇزدىك بەينەبايان» جوباسىنىڭ قورىتىندىسىن جاريالادى. بۇل رەيتينگتە ديماش قۇدايبەرگەننىڭ «قالجىراعان اققۋلاردىڭ سەزىمى» (ليۋبوۆ ۋستاۆشيح لەبەدەي) انىنە تۇسىرىلگەن بەينەبايانى 24- ورىندا تۇر»، - دەلىنگەن ءانشىنىڭ «ۆكونتاكتەگى» فان-توبىنىڭ پاراقشاسىندا.

ەسكە سالساق، ديماشتىڭ جانكۇيەرلەرى كوپتەن كۇتكەن «قالجىراعان اققۋلاردىڭ سەزىمى» (ليۋبوۆ ۋستاۆشيح لەبەدەي) انىنە تۇسىرىلگەن بەينەبايان شىققانى تۋرالى حابارلاعان بولاتىنبىز .

«قالجىراعان اققۋلاردىڭ سەزىمى» ءانىنىڭ ءسوزىن رەسەيلىك اقىن - ميحايل گۋتسەريەۆ، مۋزىكاسىن يگور كرۋتوي جازدى.

ديماش قۇدايبەرگەن اتالعان كليپىن ءتۇسىرۋ ءۇشىن يسپانياعا اتتانعان بولاتىن. ارادا كوپ وتپەي، ءانشى اتالمىش ەلدەگى بەينەباياننىڭ تۇسىرىلىمىنەن فوتوسۋرەتتەرمەن بولىسكەن ەدى. «ليۋبوۆ ۋستاۆشيح لەبەدەي» ءانىنىڭ بەينەبايانى تۇسىرىلىمىنەن الىنعان بىرنەشە فوتوسۋرەتتى سىزدەرمەن بولىسكىم كەلدى. كليپتىڭ رەجيسسەرى - الان بادويەۆ. وزدەرىڭىز تۇسىنگەن شىعارسىزدار، ۆيدەو فەنتەزي ستيلىندە ءتۇسىرىلدى. سىزدەردى جاقسى كورەمىن!» - دەپ جازدى ديماش.