قازگيدرومەت ماۋسىمنىڭ 25 ءى كۇنگى اۋا رايى بولجامىن ۇسىندى
رەسپۋبليكانىڭ باسىم بولىگىندە بۇگىن نايعازاي ويناپ، جاڭبىر جاۋىپ، جەل كۇشەيەدى. سونداي-اق بۇرشاق جاۋۋى ىقتيمال.
سولتۇستىكتە جانە شىعىستا تۇمان ءتۇسىپ، قازاقستانىڭ وڭتۇستىگىندە جانە وڭتۇستىك- شىعىسىندا عانا اۋا رايى جاۋىن-شاشىنسىز بولادى.
باتىس قازاقستان، كۇندىز سولتۇستىك قازاقستان، قاراعاندا وبلىستارىنىڭ كەي جەرلەرىندە داۋىل تۇرۋى مۇمكىن. سونداي-اق جەلدىڭ جىلدامدىعى سەكۋندىنا 15-20 مەترگە جەتەدى، بۇرشاق جاۋۋى مۇمكىن.
سولتۇستىك-قازاقستان وبلىسىنىڭ كەي جەرلەرىندە تۇمان كۇتىلەدى.
الماتى وبلىسىنىڭ كەي جەرلەرىندە بۇرشاق جاۋىپ، تۇندە جانە تاڭەرتەڭ كەي جەرلەرگە تۇمان تۇسەدى. كۇندىز كەي جەرلەردە جەل تۇرىپ، جىلدامدىعى سەكۋندىنا 15-20 مەترگە جەتەدى.
شىعىس-قازاقستان، كۇندىز ماڭعىستاۋ، قوستاناي وبلىستارىنىڭ كەي جەرلەرىندە جەل 15-20 م/س جىلدامدىقپەن ۇيتقيدى.
شىعىس قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان ءتۇسۋى ىقتيمال.
ماڭعىستاۋ وبلىسىنىڭ كەي جەرلەرىندە شاڭدى داۋىل تۇرادى. پاۆلودار وبلىسىنىڭ كەي جەرلەرىندە تۇمان ءتۇسۋى ىقتيمال.
اقتوبە وبلىسىندا كۇندىز قاتتى، كەي جەرلەردە وتە قاتتى ىستىق بولادى. كۇندىز تۇركىستان، قىزىلوردا، قوستاناي وبلىستارىنىڭ كەي جەرلەرىندە، قاراعاندى وبلىسىندا كۇن قاتتى ىسيدى.
اتىراۋ، ماڭعىستاۋ، باتىس قازاقستان وبلىسىنىڭ كەي جەرلەرىندە دە كۇندىز اپتاپ ىستىق ساقتالادى.
قىزىلوردا، تۇركىستان، اتىراۋ وبلىسىنىڭ باسىم بولىگىندە، باتىس قازاقستان، اقتوبە وبلىسىنىڭ كەي جەرلەرىندە، قوستاناي، الماتى وبلىستارىندا جوعارى ءورت قاۋىپى ساقتالادى.