11:56, 26 - ناۋرىز 2019 | GMT +6
ەلورداداعى جانتۇرشىگەرلىك جول اپاتىنان 25 ادام زارداپ شەكتى
نۇر-سۇلتان. قازاقپارات - نۇر-سۇلتان قالاسى اكىمدىگى ەلورداداعى جانتۇرشىگەرلىك جول اپاتىنان قانشا ادام زارداپ شەككەنىن ءمالىم ەتتى، دەپ حابارلايدى قازاقپارات ءتىلشىسى.
«جول-كولىك اپاتى ساعات 9:14 دەر كەزىندە بولدى. الدىن الا مالىمەت بويىنشا 25 ادام زارداپ شەكتى»، - دەدى قالا اكىمدىگىنىڭ باسپا ءسوز حاتشىسى ەلۆيرا جۇرگەنبايەۆا.
بۇدان بۇرىن حابارلانعانداي، ەلوردادا اۆتوبۋستار اپاتىنان ەكى ادام كوز جۇمدى.
«استانا LRT» مالىمەتى بويىنشا قازا بولعانداردىڭ ءبىرى - ءبىرىنشى بولىپ سوقتىعىسقان اۆتوبۋس جۇرگىزۋشىسى.
26- ناۋرىز كۇنى ۇلى دالا مەن قابانباي باتىر داڭعىلى قيىلىسىندا ءۇش اۆتوبۋستىڭ جانە جەڭىل كولىكتەردىڭ قاقتىعىسۋىمەن جول-كولىك وقيعاسى ورىن الدى. قالا ماڭى باعدارىنداعى 303№ اۆتوبۋس 12№ باعدارداعى جولاۋشىلار اۆتوبۋسىمەن سوقتىعىستى. وسىنىڭ ەكپىنىمەن ولار 53№ اۆتوبۋسقا جانە جەدەل جاردەم كولىگنە بارىپ سوعىلدى.