قازاقستان قازىناشىلىعىنا - 25 جىل
قازاقستان قازىناشىلىعى ەلدىڭ بيۋدجەت جۇيەسىنىڭ بۋىنى رەتىندە مەملەكەت قارجىسىن باسقارۋدا لايىقتى ورىن الا وتىرىپ، قالىپتاسۋ مەن دامۋدىڭ وراسان جولىنان ءوتتى.
ق ر پرەزيدەنتىنىڭ 1994-جىلعى 27- قاڭتارداعى جارلىعىمەن حالىقتىڭ ءال-اۋقاتىن ارتتىرۋعا باعىتتالعان مەملەكەتتىك فۋنكتسيالاردىڭ ساپالى ورىندالۋىن قامتاماسىز ەتەتىن اشىق، ءتيىمدى جانە تۇراقتى بيۋجەتكە قول جەتكىزۋ ءۇشىن مەملەكەتتىك قارجىنى ءتيىمدى باسقارۋدىڭ قۇرالى رەتىندە قارجى مينيسترلىگى جانىنان قازىناشىلىقتىڭ باس باسقارماسى قۇرىلدى.
قازىناشىلىققا بيۋجەتتەردى اتقارۋ، بيۋجەتتىك جانە بۋحگالتەرلىك ەسەپتى، بيۋجەتتىك مەكەمەلەر مەن قارجى جۇيەسىندەگى بۋحگالتەرلىك ەسەپ ءادىسناماسىن جۇرگىزۋ فۋنكتسيالارى بەرىلدى. بۇدان باسقا، قازىناشىلىق ماقسات بويىنشا پايدالانىلمايتىن قاراجاتتى كەرى قايتارىپ الۋ قۇقىعىمەن بيۋجەت قاراجاتىنىڭ پايدالانىلۋىن باقىلاۋ بويىنشا ۇلكەن وكىلەتتىكتەرگە يە بولدى.
ءبىرىنشى باعدارلامالىق قامتاماسىز ەتۋ ب ا س ك- م بولىپ تابىلادى. ول 2003-جىلى قازىناشىلىقتىڭ بىرىكتىرىلگەن اقپاراتتىق جۇيەسى دەپ اتالاتىن «Oracle» پلاتفورماسىندا مەملەكەتتىك قارجىنى باسقارۋ جونىندەگى قازىرگى قولدانىستاعى اقپاراتتىق جۇيەگە جاڭعىرتىلدى. بۇل - بىرەگەي ءارى تمد ەلدەرى اراسىندا جوعارى باعاعا يە بولعان جۇيە. حالىقارالىق ۆاليۋتا قورى، حالىقارالىق قايتا قۇرۋ جانە دامۋ بانكى جانە دۇنيەجۇزىلىك بانك ساراپشىلارىنىڭ باعالاۋىنا سايكەس، قازاقستاننىڭ اقپاراتتىق جۇيەسى ەڭ ءتيىمدى جانە كيبەرقورعالعان دەپ تانىلدى.
2008-جىلدان باستاپ جاڭا بيۋجەت كودەكسىنىڭ كۇشىنە ەنۋىنە بايلانىستى قازىناشىلىق دامۋدىڭ جاڭا سەرپىنىنە يە بولدى.
وسى جىلى قارجىلىق قۇجاتتاردى قابىلداۋ جانە وڭدەۋ جونىندەگى فۋنكتسيالاردى اۆتوماتتاندىرۋ ءۇشىن «قازىناشىلىق-كليەنت» اقپاراتتىق جۇيەسى ازىرلەندى. ول بارلىق دەڭگەيدە مەملەكەتتىك بيۋجەتتىڭ اتقارىلۋىنا پارمەندى باقىلاۋ جۇرگىزۋگە جانە نەگىزدەلگەن قارجىلىق شەشىمدەر قابىلداۋعا مۇمكىندىك بەرەدى.
قازىناشىلىق دامۋدى جالعاستىرۋدا جانە جاڭا مەحانيزمدەردى ەنگىزۋ بويىنشا جۇمىس ىستەيدى.
قازىناشىلىق ورگاندارىنىڭ جەدەل جۇمىسىنا بارلىق وڭىرلەردىڭ تىنىس-تىرشىلىگى، سونداي-اق مەملەكەتتىك باعدارلامالاردىڭ ورىندالۋى بايلانىستى. بۇعان دەيىنگى جىلدارى يە بولعان زور تاجىريبە مەن دامۋ قارقىنىن ەسكەرە وتىرىپ، قازىناشىلىق ورگاندارى ونىڭ الدىنا قويىلعان مىندەتتەردى جوعارى دەڭگەيدە ورىنداۋدا.
قازاقستاننىڭ تاۋەلسىزدىك الۋىمەن جانە ونى نىعايتۋمەن بيۋجەت قاراجاتىن جۇمساۋعا، بيۋدجەتتى جوسپارلاۋ مەن اتقارۋدىڭ راسىمدەرىنە جانە مەملەكەتتىك قارجىنى باسقارۋدىڭ تيىمدىلىگىن ارتتىرۋعا كوزقاراستار وزگەردى. قازىناشىلىق، باسقا مەملەكەتتىك ورگاندار سياقتى ەمەس، ولاردىڭ پارمەندى ىسكە اسىرىلۋىنا تىكەلەي قاتىسا وتىرىپ، بارلىق وسى پروتسەستەردى باقىلاۋعا بەيىمدەلگەن. قازاقستان رەسپۋبليكاسىنىڭ قازىناشىلىعى قارجىلىق جەتىلدىرۋگە جانە ودان ءارى وركەندەۋگە باعدارلانعان.