جەمقورلىق تۋرالى اقپارات بەرگەندەرگە 25 ميلليون تەڭگە سىياقى بەرىلدى
«وسى سالالاردىڭ بارلىعىندا اگەنتتىك قوعامدىق ۇيىمدار، ساراپشىلار قوعامداستىعى جانە مۇددەلى مەملەكەتتىك ورگاندارمەن بىرلەسىپ كەشەندى الدىن الۋ شارالارىن جۇرگىزگەندىگىن تاعى دا اتاپ وتەمىن. تىركەلگەن جەمقورلىق قىلمىستارىنىڭ ءبىرقاتارى جاعدايعا بەي- جاي قاراماعان ازاماتتاردىڭ ءوتىنىشى ارقىلى انىقتالدى»، - دەدى اتالعان اگەنتتىكتىڭ رەسمي وكىلى جاننا باستاروۆا.
ونىڭ سوزىنە قاراعاندا، بيىل سىبايلاس جەمقورلىق فاكتىلەرى تۋرالى راستالعان حابارلامالارى ءۇشىن 180 ازامات 25,8 ميلليون تەڭگەگە ىنتالاندىرىلدى. تولەنەتىن وسى ىنتالاندىرۋ سىياقىسى انىقتالعان قۇقىق بۇزۋشىلىقتىڭ اۋىرلىعىنا قاراي بەرىلەدى.
«جەرگىلىكتى جانە ورتالىق مەملەكەتتىك ورگانداردىڭ سىبايلاس جەمقورلىقتىڭ الدىن الۋ بويىنشا جۇمىس ساپاسىنىڭ ارتۋى ەلەۋلى اسەر ەتتى. سونىمەن قاتار، ازاماتتىق باقىلاۋ، بارلىق ماقساتتى توپتارمەن كەڭ كولەمدى اقپاراتتىق-تۇسىندىرمەلىك جۇمىستار بويىنشا وڭىرلىك ۇكىمەتتىك ەمەس ۇيىمدارىنىڭ بەلسەندى جاندانۋى جاعدايدى جاقسارتۋدىڭ ماڭىزدىعى از ەمەس فاكتورى بولدى»، - دەدى اتالعان اگەنتتىكتىڭ رەسمي وكىلى جاننا باستاروۆا.
بۇدان بۇرىن حابارلانعانداي، ءبىلىم بەرۋ سالاسىندا جەمقورلىق فاكتىلەرى تومەندەدى.