تەڭگەنىڭ 25 جىلدىعىنا وراي ۇلتتىق بانك دەرەكتى فيلم ۇسىندى

الماتى. قازاقپارات - قازاقستان ۇلتتىق ۆاليۋتاسى - تەڭگەنىڭ 25 جىلدىعىن مەرەكەلەۋگە وراي ق ر ۇلتتىق بانكى «تەڭگە: 25 جىل بىرگە» اتتى دەرەكتى فيلمدى ۇسىنىپ وتىر، دەپ حابارلايدى قازاقپارات.

بۇل تۋرالى اتالمىش قارجى قۇرىلىمىنىڭ facebook-تەگى پاراقشاسىندا جازىلدى.

«25 جىلدا تەڭگە عانا ەمەس، ەلىمىزدىڭ بۇكىل قارجى جۇيەسى دە بىرنەشە دامۋ ساتىسىنان ءوتتى. ەلدىڭ قارجى نارىعى بارىنشا ايقىن بولدى، جاڭا تەحنولوگيالىق جانە سيفرلىق شەشىمدەر كەڭىنەن ەنگىزىلۋدە، جاڭا باعدارلار مەن ماقساتتار العا قويىلۋدا، ولاردىڭ كومەگىمەن قازاقستاننىڭ قارجى جۇيەسى ءارى قاراي تابىستى دامۋىن جالعاستىرادى»، - دەلىنگەن حابارلامادا.

«تەڭگە: 25 جىل بىرگە» اتتى دەرەكتى فيلمنىڭ پرەمەراسىن 2018-جىلعى 15- قاراشادا «حابار» تەلەارناسىندا مەملەكەتتىك تىلدە 17:30 دا، ورىس تىلىندە 15:00 دە، سونداي-اق «KazakhTV» تەلەارناسىندا ورىس تىلىندە 21:20 دا كورۋگە بولادى.